| «‹ May 2026 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2008 年 8 月 26 日 星期二  |
打羽毛球  |
分類: 未分類 |
琴日我幾個friend嚟左我屋苑打羽毛球....仲有胡嘉希&朱諾華(即sonia個細佬),其實仲有教會2個男仔ga... 一個係Eric&Samon(唔知係咪咁串)hehe!!!我地2:30先開始打,because嗰2個男仔遲到lo 唉...我本來book左2:00架嘛!!!!!!!!之後,我同朱諾華打ball,佢d球技都好勁..But我都應付得嚟...yeah!!我同佢都打到唔停,因為實在太刺激喇....搞到我d手指哂皮呀!!我地仲打雙打tim...我同朱諾華一組,而sonia同Samon一組,因為sonia d球技麻麻,so嗰個Samon幫哂佢lo~幸好最後都係我同朱諾華贏左,haha~跟著朱諾華就話要我地3個女仔(即我,carol,katsy)同佢地打(朱諾華 & Samon),胡嘉希做評判+計分員,我地3個女仔經常收買佢,就算係我地打5到,佢都扮睇唔到...我地係咪好奸呢?打完之後我幾個friend &我去左會所做hw,佢地冇得去我屋企,因為我牙爸係屋企lo~佢病左呀!如果我唔出街既話留係屋企實悶死lu...一半開心,一半唔開心啦!!
|
| Secret |
分類: 未分類 |
今日打颱風,所以唔洗番學開會!yeah~唔洗咁早起身嘛..hehe
食完lunch之後,我睇左《不能說的秘密》mum琴晚知道今日實掛風,所以就租左碟嚟睇lo~真係好好睇呀!!!除左劇情好睇之外,仲係講piano既tim...岩哂我啦!!haha~其實有d劇情我唔係幾明白架!真係好感人呀... 本來我估路小雨係鬼嚟tim..點知原來佢係穿越時空由1979年去左1999年,跟著遇到葉湘倫,在路小雨第一次彈完「Secret」之後，葉湘倫是她第一眼看到的人，之後就只有葉湘倫能夠看得到她而已。其實我唔係好覺得佢地拍拖ga~其中一首歌係四手聯彈,我同windy都彈過架!!都彈得唔錯呀....睇完之後我就左午睡(可能因為之前d感冒未清掛)所以有d眼訓lo~
p.s.呢個暑假真係過得好快呀!下2個星期就要番學,唉......
「Secret」
"Follow the notes upon the journey
At first sight marks one's destiny
Once the voyage comes to an end
Return lies within hasty keys"
|
| 2008 年 8 月 12 日 星期二 |
| 一連4日既blog |
分類: 未分類 |
之前唔知點解個blog開唔到,所以有好多日都冇得寫,依家先補番
上星期五,我既best friend sonia去左我屋企一齊做暑假作業,我地仲租左《獨家試愛》嚟睇tim...幾好睇ㄚ!! 佢6點幾就走左lu~仲送埋佢去巴士站,because佢要去沙田,個日都好開心ge....
星期六朝早我去左上環同婆婆飲茶,我牙媽叫我係C出囗出,點知佢搞錯左,應該係B出口先岩,搞到我行左勁多路,我婆婆因為要早走,所以佢擺低左$1000比我地飲茶,跟著佢就走左lu~個日我表哥都有嚟到,佢會考考得唔錯,Chem & Bio都攞B,雖然佢成日掛住打機,不過佢話留心聽書就得,真係有D羡慕佢,如果有佢咁叻就好(可惜沒有) 飲完茶之後,我去左牙媽公司坐下,跟著就去左牙媽平時去開買衫既鋪到買衫,原來牙媽識個間鋪既老闆娘ga!好似仲識左6,7年tim..之後佢見到我身上面有好多傷痕,佢問我點整到,我話抓到咁lo~原來佢同我一樣架!都有皮膚敏感,佢仲話佢好細個既時候已經有喇,不過佢個陣冇理過佢,點知越大就越嚴重,佢仲比我睇佢d疤痕,都好顯眼ga~佢問我係咪壓力太大?我又唔係牙!係咪失眠?我又係wo~佢介紹我睇佢睇開既中醫,我好驚會留低疤痕!!! 我更加唔想睇中醫,平時已經驚食西藥,況且今次仲要飲中藥tim 唉....之後就去左荃灣學琴
星期日入左屯門同牙嫲慶祝生日,點知佢係屋企跌親,要去醫院睇急症,我地冇跟埋去,得牙爸陪佢,咁我地就冇去到飲茶,轉左食m記,突登搭車入屯門食m記,好笑喇!!!
至於琴日我同sonia,katsy&carol去kf睇《內衣少女》,有d都幾好笑架!!跟著我地去左吉野家食lunch,食完之後去左大眾行,sonia接到Eric(我未見過佢,不過聽過佢個名)既電話,carol係食飯個陣聽左Eric既電話,仲講一句野,都唔知係咪激嬲左佢,所以carol話為左陪罪就約佢出嚟玩wo~ =.=''sonia&carol係咁諗去邊到玩好,我又見到katsy有d悶,咁咪同佢傾下計lo~我知道katsy今年識左個朋友,仲同佢講左好多秘密,but佢勁少同我地3個講佢d秘密,佢話因為嗰個fd講左好多秘密佢知,所以先話佢知自己d秘密,竟然識左1年既朋友,仲好過識左3年既朋友lo~所少都有d唔開心....之後我同katsy發現sonia&carol唔見左,咁咪call佢地,原來佢地走左,sonia話我地傾得咁開心冇理到佢,佢要我地搵下佢地,佢咁講就知道佢嬲左我地,不過好彩有carol做和事佬,之後sonia都冇嬲lu~But仲有少少ge問題,呢到唔方便講.....希望冇事la |
| 2008 年 8 月 1 日 星期五 |
| 愉快的一天 |
分類: 未分類 |
今日約左sonia去左太古城,點知因為佢著對新鞋整損左佢隻腳,去到太古城之後就係咁揾萬寧or屈臣氏諗住買膠布,sonia見到第3層有萬寧,咁我地就速上去啦!買完之後,sonia話:「間萬寧起到咁高架!」、「要佢地個陣又要搵wo」。Then,我想去通利睇下d琴譜,入到裏面睇左8級鋼琴2009-2010既譜,見到之後我即刻「嘩」一聲呀....好難呀!!!!=.=lll 但一諗到下年我可能要考8級個陣,突然個心跳得特別快,真係好驚到時會fail,唉....後來我地去睇下d piano,真係好貴呀!行埋部三角琴到,d聲好好聽,跟著我仲教sonia彈少少ge《他約我去迪士尼》,佢竟然仲記得首Do Re Mi 點彈wo~好犀利呀!!原來已經12點幾喇...我地去食lunch,去左Food court到食野,我就食韓國野,而sonia就食中式野。食完之後,去左無印買野食(我既favourit朱古力)hehe~無印個隻朱古力好好食架!我仲買左支野飲tim,都幾好飲ga...sonia都有買零食!見佢著個對新鞋著到好痛咁,又唔隱心見到佢行得咁辛苦,又想行耐d wo,咁咪同佢對交換左對鞋嚟著lo,反正我地2個隻腳差唔多大ge,無所謂la~我著落去有少少痛啦!不過唔洗貼膠布...我地仲去埋吉之島既supermarket買野食(其實我地2個都好胃食),我地每人都買左少少啦!!又去埋一個類似冒險樂園既鋪頭到玩,一去到我買左15個代幣,我地去左玩擲代幣,擲落去d彩虹到,我都唔知點形容(冒險樂園都有ga),之後我& sonia都攞到獎品呀!不過係咩獎品就唔好講喇,好普通姐...我地玩左幾game之後就走lu,真係玩得好開心呀!!!我地2個都行到好累,就揾地方坐...我同sonia講「不如一齊影相ㄚ」跟著佢就用我部手提整左幅合成相,真係好怪呀!!我同sonia傾左陣計,都4點幾...諗住走la~我地經過一間Happylemon,就夾份買左杯蛋糕珍珠奶茶,杯野真係有d蛋糕味,都幾好飲牙...5點幾我地就地鐵走lu 下次再約sonia行第二到先...希望今晚訓得著啦!因為飲左杯奶茶,次次飲親都訓唔到...講住咁多先
呢杯就係蛋糕珍珠奶茶-----
之後又經過其他鋪,都係買野食ga..影左d相好似好好味,可惜得個睇字----
 ----好想食呀!!!
 ---唔知ice-cream下面嗰個係咩嚟呢??
朱古力雪糕班cake---- 
|
| 2008 年 7 月 28 日 星期一 |
| TiMe wAit foR NO one |
分類: 未分類 |
琴日去左奧海城睇戲,都幾好睇呀!!
今日成日都留係屋企,好悶牙!!不過我成日同一個好朋友傾sms,星期五仲約左佢行街tim  ....星期三係2c班會旅行,又愛又恨,諗番2c班的回憶,都幾懷念既... 諗番今年,我覺得真係好傻,講左d唔應該同佢講既說話。我相信時間可以沖淡一切。依家咩事都冇喇!一切回復正常了....2c&3c班都有值得記住係心裏的事
p.s.不過,time wait for no one.. |
|
