今日係約左獒媽,獒娘飲茶既重要日子,

因為第一次見她們心情都比較緊張,

而且老公話我成日遲大到,所以昨晚已經準備好一切.

今早五時起床,因為我住得比較遠,所以要預早出門口.

未天光係街行既感覺都幾新鮮,好似老人家晨運咁.

上車時已經六點,我心諗唔知趕唔趕到,

點知朝早由大埔去大窩口都只係三十五分鐘左右,

早左咁多,我打比老公問佢而家係邊,不過可能佢有事忙,所以沒有接聽.

我先到酒樓搵位,大約7:30左右,四個人都黎齊啦!

我地一邊講一邊食,講真我由頭到未都好似一個傻既咁,

因為我不停咁係到笑,其實都幾開心架.

最起碼她們都係樂觀既人,只有樂觀既人先會開懷大笑.

我好喜歡她們.

今日我真係好飽,我未試過一個朝早已經食晒一日三餐.

老公怕我餓親,又怕我唔夠暖,所以先叫我食野.

有時見佢,如果佢個日開心,我就由去街到回家都係笑既,

不過佢唔開心,我個日既心情都會好down.