近期，書展開左啦~~真係好想去...其實我一次都冇去過香港會展個書展。因為冇人陪我去，但係我呀哥次次都有去，仲成日有好多收獲。

 今次書展有明星同model出既書，咁我呀哥就梗係唔執輸要去啦~~頂佢個肺呀!!! 係佢去書展之前，我係度同佢吹水，問下佢會買咩書。之後佢話會買一D好普通既書，都係旅遊書, gag書, 漫畫果D啦!!!之後我亂講野，就問左佢一句野...

我問佢:「你條咸蟲，一定買Model果D書啦!!」之後佢怒睥我，仲鬧我變態。

 到左啱啱佢返黎，我問佢買左咩書，佢竟然唔同我講wor~~咁我呢D人咁8，就梗係好想知佢買咩書啦!!!! 係佢沖涼既時候，我偷偷打開佢背囊黎睇....

第一本...著草咖啡。第二本...東京旅遊冊。第三本...海棉寶寶日記簿。到左第四本，我睇完個封面之後就笑到呆左..............................................................

其實我想等我呀哥唔係屋企果陣睇下第四本書既野，可能睇完之後要燒左佢，或者影張相同大家Share......hee~hee~~我係咪好奸呢????

不如大家估下第四本書係咩~~~