今日係2005年既最後一日喇,之前有d人叫我去倒數,但係今日佢地陸陸續續咁同我講返話佢地唔得閒又或者係唔知得唔得喎...結果我要出馬喇..我唸住返團契搵人,今日係26c喎=="因為今日幼稚園要打獵,我返左教會先知,上到去勁多人,要你地等唔好意思,不過都仲有人遲過我--"唉~今日係敬拜與回顧,唱左好多詩歌呀,i love it...之後就寫來年ge展望喇,我要做返好自己既身份,我要最少兩日一次靈修...完左之後各自各忙自己既野,走既走咁樣,我等左機會好耐,之後同bonnie打打眼色,決定開口喇,問佢地今晚有咩節目咁,發覺都有人想去玩下咁,就發起去倒數lee個唸頭喇,即刻得到支持,仲比小景話我係信心既保證tim,多謝支持喇真係^^,結果有4個人去,因為唔想d細既都去,照顧唔到佢地,4個人包括我、Bonnie、Mike、Sunny(小景),之後首先就各散東西先,因為佢地都有自己既野要做,我就留係26c睇下有咩手尾要跟,之後就走喇,岐哥架車壞左,借左一舊水比佢一齊去天慈整車,哈~佢又比人好似水魚咁禁,換個車鈴100蚊...不過冇計啦,唔換都唔得,之後小景竟然拎住3支反旋筒,請我同嘉岐食喎,真係勁感動呀,因為係第一次呀,多謝小景...之後我同小景就去左bonnie屋企樓下等佢,之後去M記傾下我地今日既行程,開我地ge會議,我係主席,文書,康樂....咩都係我=="去到7點,因為阿mike仲未得,咁就去佢屋企喇.上到去好多人囉,mike,樂,斌,美梅...阿樂拎住一大堆書走,阿mike借左佢個bag比阿樂tim,勁重呀真係,7點半到就一齊起行lu,首站係去天水圍西鐵站,買自悠通,哈~我集齊左10張,so我可以換飛hehe...搭西鐵lu,去到美孚轉地鐵,我幫阿樂揹到去地鐵月台,都ok重啦,不過個袋有成半個我咁大.去到太子阿樂就要走lu,因為佢要轉觀塘線,我地就去旺角^^,因為我地要去開餐ar ma,我地今餐係去lee個大家樂到食,等位都等左好耐先有,佢地買野食先,之後到我去買,我等左勁耐,原來條友冇幫我整=="之後阿mike黎問我做咩咁耐,點知佢地原來係等緊我,我仲唸住我食快d佢地慢慢食唔洗等tim,好感動呀...><"之後開餐,小景帶祈禱,哈佢食個咖喱飯食到係咁流汗,出晒水...勁!濕...食完之後係旺角行街街,係街見倒人地做街頭劇,睇左好耐,仲影埋相tim 之後我地繼續行,行埋女人街tim,几左好耐,行到勁累--"之後去實惠睇傢俬,襯機會坐下,勁舒服,之後行過隔離,果間野d style幾特別,幾正...行完都差唔多11點lu,之後去油麻地搭地鐵去銅鑼灣,好多人呀...d路封晒,不過我地都照行,左穿又插咁...^^勁好玩..迫到最後見得到時代廣場倒數果個野^^都好過冇,之後係果度等,有d附近既住客係度同人揮手,個氣氛幾好,等到12點,終於都到喇,d人一齊數,個感覺好好呀,好齊心...正!!出黎倒數都係第一次^^,都幾好玩...我仲見倒貞子tim><"↓

因為勁多人既關係,d路依然都係封住,要離開都要兜好遠下,之後我地搭叮叮,咁又滿足到阿mike既心遠喇,因為lee次係佢第一次坐叮叮,不過其實我都好想坐ga,一人兩蚊去到中環,睇左陣show,之後行下影下相咁...

hehe之後再滿足一個大家既心願,搭船過海^^,好野...之後係船到影相↓

之後去海旁,好次每年必到咁^^",都係影下相咁

覺得lee張幾正^^→

,我地仲係海旁見倒曾秋,阿彤同阿欣tim 之後行左去CEO,=="入左去,其實係唸住搵廁所,個人問我地有位未,之後偷入去人地唱K地方ge洗手間,之後就買下野飲,行去地鐵站,起行返屋企,因為時間都真係好"早"喇...唸住搭地鐵去南昌平d(小景要買飛),哈又過多次海,之後去到中環轉東涌線又過返海去南昌,ja係我地lee之行程過左4次海呀...上到西鐵,勁多位坐,各位各自展示疲態

冼太打電話比bonnie,唸住以為佢會話bonnie做咩咁耐都未返黎啦,點知講講下,話都咁夜喇,佢地送你返黎叫佢地黎屋企訓啦,我地聽到之後o晒嘴=0="冼太真係好人...不過唔lu,返屋企洗白白訓醒返屋企,唔好打攪人地lu...送左bonnie返去之後,我地又一齊行到分開,我就去搭輕鐵,好彩有車,唔係我又要行返屋企...^^"結果,4:40先返到去,唸唸下,攸 咩唔等飲早茶=="之後沖地涼整埋d野都5點幾,瞓覺..瞓到10點幾11點起身返教會...^^