今日雖然遲左少少起身,但係宦搭早左班車,返到去行動要減慢,先至唔洗坐係canteen凍太耐...好多人都成日唔返,原來cutter上個星期開放日已經無返一個星期,到依家都未返過學,提早過年?佢真係夠彊,天官黎既就可以放肆?可能有其他原因既...仍屬未知之數...

會計堂教埋課Goodwill,阿sir又請我地食朱古力,英國野,好貴下,真係捨得...之後果堂教埋Revaluation Account,食飯,今日得3丁友去源興,佢地去晒竹宛,得返我,榮同肥B,但3個又有3個好,阿姐一人醒左一隻太陽蛋比我地,3丁友都有薯條送,去邊到搵?源興囉咪就係...^^

PE堂壘球比賽,正!雖然到我打果陣打得唔遠,但係都跑到去2壘,下一個打,我就拎埋分.真係估唔到d女仔好勁(都可以話係好彩),打d波唔遠,但係接ge人好多失誤,我地竟然連續4個女仔一擊中之後就可以跑返去本壘(重點係連續4個,同埋好多都係估佢唔到分別有fionn,yuki,janet,最後好似係阿波),今日幾好玩,放完假返黎果堂都係一樣.^^

中化堂,好多人都冇帶閱理,miss又做唔到lu,之後搵人補分享剪報,阿輝賴死,話係聽日先係,miss就話係琴日叫佢聽日,ja係今日,佢話未準備好,無耐就過關,不過miss要佢交埋文字手稿喎.之後對埋d錯別字,發覺有好多字我都未見過,同埋估佢唔到=="唔怪得我成日都寫錯字啦.之後miss拎左篇好多意既文章,叫阿聰讀出黎,勁攪野.之後到我地讀,睇下邊個暇快喎,我都有份,文章如下:

      喺呢條黃巷嘅巷口度,有一隻狗,佢個名叫做黃汗寒狼,大家或者會覺得好奇怪,點解呢隻狗會有一個咁得意嘅名呢?講起上嚟,其實係有段古嘅.

      話說喺西方有一個叫做黃汗寒狼牛牙雅夏蝦嘅國家,呢個國家嘅人都好鐘意養狗嘅,但係佢地飼養狗所用嘅食料同我地東方人所用嘅唔同,原來佢地係用寒光慣關所出產嘅旱巷糠嚟飼養嘅,養大嘅狗都好靚同埋好強壯,而且都以好高昂嘅價錢吸引倒外地嘅人到來選購,其中以押黑乞國,很肯國,新身生國,突特國,能單籐國,或華滑國,深竺宿學惡確國,等燈燈等國,塞室色塞國嘅人最多,而頭先我地所講嘅個隻黃汗寒狼昂貴嘅狗,就係呢個國家所出產嘅.

上面呢篇野大家不仿讀下^^,我比miss叫左出去讀,不過之前突然唸起d野,個心好驚好亂,攪到好緊張,最後49秒內完成(miss等左一陣先禁停個鐘),但係都做到第2快竟然,不過本身係唸住快過大寶既47秒,但係唔得tim.之後miss又叫我地分兩組黎辯論,公眾場所應否全面禁煙,我記得上年有堂中化堂又係咁,個題目好似仲係一模一樣tim=="最後徐鳳霞同埋Tommy猜輸左,我地係正方,對手係文"成"昆同埋墨魚.最後相方鬥講....起攪野...

放學即走,因為要去荃灣補習,5點8落到荃灣,之後行好遠先去到,原來果個足球場係年宵市場,依家先知.去到坐左一陣先開始補,今日迫自己留心,唔好唸其他野,有d時間好成功.補完又係天黑,返到天水圍都成8點幾,返屋企食飯.