今日一早起左身，即刻去洗手間，點解?因為尋日飲左勁多水囉!個陣媽媽都未番工，佢交代晒所有野之後就出門口喇。由於我朝朝早會睇網球王子，然後食野，再束馬尾，呢ｄ都慣晒，所係今日要食藥兼食多ｄ野，所以時間上一定要控制得好好。最後臨出門口我都唔夠時間食野，只係食左條麵包條就走~
番到學校，好似平時咁同同學傾計，傾傾下就到左早會時間，之前落過雨，過地下溫晒，我地咪咩住個書包，真係好重!上到課室，早讀，然後視藝，老師整左個簡報表介紹佢睇左展覽的有趣事物。然後中文堂，老師話今堂會繼續上堂未完ge口試，我心諗:唔好係我第一個呀!雖然我尋晚已經寫好10個題目ge短講大剛，但係對住全班同學都難免有d緊張，點知......我真係第一個T^T...
冇辦法，唯有咬著頭皮上啦，我睇下個題目，係我都幾有把握的，就是:談談青春痘對青少年的影響，我O係出面準備左2mins，就開始。嘩!我簡直驚到震，好緊張，好采最後都算唔錯...但係完左之後我個喉嚨ge犧牲就好大，我仲未好番ga~
英文堂個功課我搵錯左，好驚老師會話，好在都冇。
數學今日有小測，老師又比我地班d壞學生搞到好嬲，真係恐怖!!!
放左學之後就去排戲，因為聽日戲劇聽日考試，練左好耐，成身都係汗，不過為左考試，冇辦法啦~
番到屋企，做功課，中史有勁多唔識，因為晉朝都未教，好難，家政聽日又要考喎~係要煮一頓早餐比老師食，諗得好辛苦。
食完飯後，老豆睇電視，睇到個d泰國男人好鐘意做女人，著晒女人衫，成個女人咁，我想嘔~~~~個陣連世界杯張分數表都倒下，我咪話連佢都頂唔順啦，快d轉台!
今日本來有今日是魔王睇，但係又要睇世界杯，我咪張就d，聽日睇重播!
好累，好眼訓~
每日心語:我個喉嚨幾時好?
|
