首先，我要講番尋日ge事....
本來我尋晚諗住寫日記，點知....
突然之間響火警鐘，嚇到我個心都差唔多飛左出黎(誇張 )，
於是媽媽咪開電視睇下留下大堂ge情況囉，
過左陣，我地聽到有3.4架消防車往我地ge方向駛過黎，
好快咁，大堂已經有5.6個消防員企晒o係到，
仲見到有幾多人搭升降機落樓，
我本來都想落去架，但係媽媽話再睇定d先，
不愧係我媽媽，臨危不亂，佩服佩服!!
跟住我地老豆番到黎，
佢話見下下層幼稚園o個邊有煙霧出黎喎!!
呢個時候家姐已經嚇到有d失常，不過好采後黎唔知點就解決左。
之後我地睇HMC播放緊ge「魔盜王1」，睇到2點。
尋日就係咁!
今日就由於已經做晒暑期作業，因為聽日係交第一期ge功課，
唉~聽日就要同1B分開喇，要同新一班同一班，
好唔捨得，話晒都有1年感情嘛~~
唉~~聽日好多野做，
好喇，唔講喇，88
|
