好耐無寫過blog了。自從同嘉軒分左手之後我一直都無再寫。 估唔到禁快就分開左差唔多半年啦！ 本來工作都算順利既，不過七月尾既時候意外地整傷左脊髓神經， 本來8月11號出左院既，不過因為我本身中未行得穩我又再跌多次。 8月17號我又再反入急症室，結果係瑪麗一留就留左一個禮拜， 相比起上次多左四日：（。因為第一次入院個陣入左b4， 我再一次遇見你，其實早於大半年前我因為直腸有事我去左17北， 而當時遇見第一次出去實習的你。而剛好我7月因為背脊有事既時候又再 遇上第二次實習的你。當時我就知我地有緣份，你兩次實習我兩次住院都遇到！ 慢慢同你認識多左，到我生日個日你買生日蛋糕俾我食，真係好開心。 唔知幾時開始我每日都會打俾你，好想聽你吧聲。本來我一直都諗住嘉軒的， 到左8月中既時候我開始有想起你。到9月頭有個夜晚你黎搵我而我第一次錫左你 而當時亦都係你既初吻，個陣我個心跳得好快，我唔知點解攬住你。 個下我終於肯定我愛上了你，9月9號你考試，前個幾晚我晚晚痛到死都嘛唔 肯訓。我只知我要陪住溫書。雖然我知你成日懶訓，不過的確個幾晚真係好開心！ 9月10號你黎同我預早過中秋，因為中秋個日你飛左去泰國旅行， 好溫馨的提早中秋，唔知係個月光定係有你係身邊並還是我兩坐係輪椅飛車，我感到份外的開心同溫暖。 9月11號我地第一次吵架，我地因為你月經落水而爭執，我個下好嬲因此你唔聽我意見而cut左你線， 你哭了，whatsapp我同我講你喊緊同叫我唔好嬲，中鬧我係衰人：（， 其實個下好心疼同知錯，我打反俾你同你講對唔住，你話你好怕我唔再理你， 而你亦都話知錯，我就諗住算數因為我都知我唔好，整到你喊。 我向你保證無下次牙！9月12日早上4點我起身打俾你，因為我好想聽你吧聲 同我怕你一個人坐車會悶。9月14號早上3點三你打俾我你係泰國飲醉酒！ 當時我好緊張因為你兩個女仔同兩個新識既後生仔團友半夜去飲酒， 個下我驚到發顛，我個心即刻係禁亂諗野，我又怕你會唔會飲唔慣酒而醉左之 後個兩個男仔對你不利又或者你俾人落葯迷姦！我驚到個之飛哂出黎， 我即刻叫你快點反酒店，你收線之後攪到我坐立不安！直到3點9你whatsapp 我同我講你安全反到去我先放心少少炸！你同我講話你唔會再禁做同會 好好保護自己我先放心。可能我太怕失去你加上我真係好愛你，所以我諗 我自己真係有少少過分緊張！希望你會體諒同明白我啦！ 詠婷，我愛你，為左你我會好好練反條腰，亦向你保證只愛你一人！永遠做你個個只屬於你的傻瓜豬！ 老婆我愛你！你要快點反黎奧，就黎掛死老公豬啦！