￤◆然妹↸の日日日誌 - QOOZA BLOG 網上日誌

kawuwai : 個人主頁 - 相簿 - 訂閱 [ QOOZA - 論壇 - 登入 ]

kawuwai

暱稱：￤◆然妹↸
性別：女
國家：香港
地區：離島區

MORE...

V家齊集`! {4852}

最近沒有訪客

日誌統計

文章總數： 18

留言總數： 20

今日人氣： 1

累積人氣： 649

站內搜尋

RSS 訂閱

2008 年 2 月 11 日星期一

返來香港啦~~~!!!

分類: 未分類

各位~sor啊.咁奈無寫blog*而加開始寫返啦!

今日岩岩返到來香港~

今日既blog就講下我返左大陸做左d咩野啦~~~

我年三十就離開左香港啦~~直到今日初五

我係頭兩日都無咩野做,都係去拜年,同d親戚食下飯咁,

係第二日only夜晚個時去台山燒煙花,

我燒個d中等大個d,堂阿哥d fd好勁~佢地燒個d煙花好似煙花匯演個d,

勁大個~~~@@好靚啊,我係佢地燒d大個個時同阿嫂坐左係車入面睇,

突然間諗起,如果佢係到就好啦~!唔好問佢係邊個啦~~~

之後我個晚因為去得太夜,去左表姐屋企訓,無返到自己屋企訓.

第三日,

我同表姐,未來表姐夫,和佢地d朋友,

一齊去左香江野生動物園,

見到好多動物啊~~!!!!遲d加落相簿啤你地睇下啦@@

之後返到來,就去左同親戚食飯,係e個既外海河提opposite既新橋酒樓食飯

點知原來表哥就係河提個邊燒緊煙花,早知就打啤佢啦

之後返去啦~去左表姐屋企坐,

Then,又去食宵夜,又去到好夜先返,

結果又係表姐屋企訓.

第四日,

表哥早晨打來,

叫我去長隆歡樂世界,

結果我個日又無野做,so我當然係.......去左啦

唔知表哥係到,仲有勁多佢d fd一齊去,

又見返上次d姐姐,好好人架佢地~!

唔知女既,男都有~有d就未見過,不過係今次都變得熟左.

我地係自己駕車去架~~表哥一部,B哥一部(佢地係咁叫個個哥哥架)

總共10個人~~哇!好多人啊~~~

坐左個半粒鐘~~~~~~

我地終於去到啦~我地一入到去,垂直過山車就係我地面前啦~!

之後我地咪第一時間去排隊~玩lu!

到我地啦~個垂直過山車好高架!有40層樓咁高掛~我地係沖落去個度

停左5秒先沖落去~好似要等畏高d人驚一場先~好彩無畏高姐!

之後一野就咁沖左落去啦~!好刺激啊!!!!!!!!!!!!!!!果然係過山車之王~

After that,佢沖左落地底,又好快咁行,又沖多次,不過今次個個矮d,

之後,就行過d水個度,不過我無濕到身,咁就玩完啦,想玩多次添@@

我地,總共玩左成6,7個,己經好唔錯架啦~好多人去~

之後就返去啦~本來去唱K架,不過表哥驚我遲過頭返屋企,

就送左我返去先,其實阿媽都預左我勁遲先返架啦~因為今日跟表哥都唔會好早~

阿媽仲話估唔到添,本來返自己屋企訓架~不過,

我幫表姐買左野,聽日就走,驚無時間啤佢,所以咪去左表姐屋企訓囉~

不過返到去,沖完涼,我同表姐又出左去,

出去做咩?????我又去食宵夜囉~

同表姐,未來表姐夫,和佢地D FD,又係同上次一樣,

不過今次得三個FD過姐~~~

今次返大陸真係好開心!!!!!!!!!!!!!!!!!!!!!

如果下次都係咁就好啦~

發表時間：2008-02-11 09:19 PM [ 訪客留言(1) ] [ 編輯日誌 ] [ 分享至FACEBOOK ]

2008 年 1 月 22 日星期二

今日囉~!

分類: 未分類

今日又係到上堂,

琴晚12點幾先訓,不過平時都係咁架啦,

但係唔知點解今日勁眼訓,上第一堂數學已經勁想訓,

仲要個阿sir講書好悶,又連續上兩堂,

簡直想死~@@

終於挨過左兩堂,小息lu

小息就去搵蚊蚊同沙子,裕今日早上早退左lu

沙子話要去toilet咪同佢去囉~之後返來,

沙子又話要(咩)我,唉......佢e排鐘意佢(咩)人~~

之後就上中史,今日分組活動,

阿sir叫我地自己分,本來諗著同蚊蚊一齊去沙子個組,

但係又有個人叫我地去佢個組,又覺得唔好意思唔去,

畢竟佢叫左我咁多次~之後咪去左佢個組囉,

點知~個個都圍攻人,話我同邊個邊個點,唉...............

早知佢地咁q煩,就去沙子個組,

連蚊蚊都講埋一份><

就咁又過左一堂,

之後係社教堂,又係無無聊聊咁講書,

坐我旁個男班長,無端端係咁打我張櫈,

咁我咪叫佢咪整囉,點知~個miss又見到,

又用d話我地唔好再玩啦咁既眼神睇住我地~

個時覺得真係勁無奈~關我鬼事咩!!!有d想爆粗

我最後就硬係無啦~想啤人罵多錢重咩??

之後上中文,都無咩野講~跳

上完中文,就放Lunch啦~~

不過今日要合唱團練習,so係學校食,

又係同蚊蚊,沙子食,不過無位,

我地去左4號樓梯個到食,

見住d人打藍球,我地聽得條友係到罵人,我地就係罵返佢,

跟住我就去左練習,佢地兩個就唔知去左邊到lu~

練習完,就繼續上堂,

之後上既堂係Eng Movie,

睇Harry Potter,係外籍miss 教,

都唔係好多野講~又跳

上電腦堂lu~唔知點解我地個班d人,咁鬼死鐘意欠電腦功課,

堂堂電腦都啤人罵~唉,.........真係無奈.都唔關我事.

次次就罵走左一堂~剩返一堂上~

之後就放學lu~

放學個時,見到d舊同學,家琪啦,詩雨啦,等等

可能今日走得早,so見到好多,

之後就同蚊蚊行路返屋企~一路傾一路行,

傾咩???秘密內容~@@

咁就放到屋企,返到屋企，又係打機

打機個時同兩個fd一齊玩,

點知佢地當我無到==我同佢地講唔好當我無到~

有個話你係到架咩??唉........好灰~~

之後咪走左囉~同d網友玩,

而加就做緊功課啦+寫緊blog囉,

之後點樣??就唔知啦~

不過我諗都無咩大事架啦~

發表時間：2008-01-22 07:48 PM [ 訪客留言(3) ] [ 編輯日誌 ] [ 分享至FACEBOOK ]

2008 年 1 月 21 日星期一

2008-01-21

分類: 未分類

琴日唔得閒寫~今日寫返~

今日照常都係要上堂~

今日家政堂係最後一堂,

我地整左個栗米肉(溶)(更),

平時次次都係無食到~拎到返屋企阿媽食,

今次都係咁~不過阿媽次次都話唔差,

都唔知係咪既,自己根本就對自己既廚技無咩好感,

only識整蛋糕~

之後係上中史,

我地中史堂係到玩問答比賽,

同蚊蚊,裕,沙子一組,

但係根本唔識答~我同沙子都係咁話,

但係我地兩個亦都幾期侍d動漫題~

點知~我地唔睇個d 架嘛~

又outdate,點會識啊~~差唔多全部都係裕答,

後面組男仔超勁~~狂答@@都唔知係咪變態既......見到唔好打我啊

結果第三~

之後本來係兩堂英文,but個阿sir無返唔係上,轉左科學

全班都勁Happy,因為個個都唔想上英文堂,個阿sir仲仲always被我地個班d人講佢壞話,

我地個中文miss都知,but佢無報串,仲同我地小心d,唔好被阿sir聽到,

Miss Tam真係好人><

叮叮噹~

音樂堂lu,又係勁多人唔鐘意上既堂

我地上堂個時,係到玩都無聽過個miss講咩~

因為d人覺得個miss樣染,又肥,又唔鐘意佢咁教書,

so 被人always話佢,又話佢d動作點啦點啦~係囉係咁啦

我同班fd今堂唔係講佢,我地係到玩......................

玩人地條馬尾~~一個玩一個咁玩,

我地個邊d女仔勁多都啤我地玩@@趁個miss睇唔到個時

呼~終於最後兩堂lu~

兩堂都係中文,我地全班都好like個中意miss~

佢都係我地既班主任,就係無報串個個miss啦~

我地係到講短講,講返考試個題目《我最敬佩的人》,

年年考試既守舊題目**,我地都好緊張,

驚抽到自己,好彩一次都無啤人抽中~

好彩好彩好彩!!@@

放學之後就返屋企lu

無功課做,又係到打機~

結果差唔多返到屋企之後就狂係到打機,結果啤阿媽罵,

之後咪去練琴囉,不過我練完又玩過##

之後同人玩左陣msn就訓覺覺lu.

發表時間：2008-01-22 07:27 PM [ 訪客留言(0) ] [ 編輯日誌 ] [ 分享至FACEBOOK ]

2008 年 1 月 20 日星期日

悶##

分類: 未分類

今日係星期日,

我有dd唔舒服,所以勁遲先起身,應該係10點幾11點幾,

其實係啤蚊蚊姐既來電嘈醒...真係懶....

之後就做d平時一起床要做既野啦,

有鋼琴堂要上堂,之後就上堂啦,係屋企上,

之後又係上勁舞==,而加日日都上,仲要一上上足幾粒鍾,

搞到日日都被阿媽罵,罵鬼罵馬咩,都無野做,做咩唔啤上喎,癡線既...

過左幾粒鍾係勁舞走返出來,又上MSN,

日日就係咁過左.......................真係悶爆,

唉..........................................................................

搵日無咁悶就好啦~日日都覺得好鬼悶@@

發表時間：2008-01-20 06:38 PM [ 訪客留言(1) ] [ 編輯日誌 ] [ 分享至FACEBOOK ]

2008 年 1 月 19 日星期六

義工==

分類: 未分類

今日幾經辛苦終於寫到日誌啦~

唔知點解今日上極到上唔到發表日誌個到,

搞到e加先來寫~

係啦,今日又有活動,

活動係做義工==係學校到參加既,

Today係探訪老人,

結果同左自己唔係好熟既組員一齊去探訪,

點解會唔熟??Because 佢係好無聊咁叫我地圍圈,

再一個一個順住咁叫number 10...9...8...7...6..5..4..3..2..1...,

就係咁同班fd散晒~個姑娘話係緣份喎==好無奈.

我地一組八個人,再分成兩組四個四個咁樣,

我地就咁隨便分左就算,咁就去探訪啦,

點知.....另一組個四個人,得一個返左來,

又分過組.........就係咁我地三個F.1女仔一組,兩個唔知F幾既男仔一組,

我地個組要探兩個婆婆,兩個都住富東==,仲係同一坐樓,

我地就係到傾計啦,都幾無聊下架~

傾完,又送埋禮物啤佢地之後,

我地就返返去學校到,第一組返到學校~@@

之後又圍埋係到分享,我就硬係無講過野啦~~

咁又過左幾個鐘,Then,就返去la

同蚊蚊姐一齊搭車,返到逸東,兩個都買埋lunch先返屋企,

lunch係(默)當當,唉......咁又無無聊聊過左半日,

返到屋企,硬係第一時間開電腦+開埋MSN啦,

點知個個都唔理人........無人理我.....

我d咁既人又唔會去add人,咁就無人add過我.......唉,,,,,

咁無人理就去聽歌仔啦,都係聽Morning娘,Berryz,C-ute,久住小春,......etc來來去去都係日文架啦~

不過有時都會聽下普通話or Eng 既歌,廣東歌就真係n年無聽過lu

After That,就同左蚊蚊姐玩勁舞~

屋企個到巧凍,手都僵晒,搞到玩個時always輸,搞到爆怒添~

之後玩完又無野做,而加就係到整緊個blog+聽緊歌仔`

一日就咁無無聊聊咁度過左啦~唉,....................

發表時間：2008-01-19 09:52 PM [ 訪客留言(0) ] [ 編輯日誌 ] [ 分享至FACEBOOK ]

« | 1 | 2 | 3 | 4 | »