今日係8月31號.聽日就9月1
話咁快個暑假就完左
今年可以話係我咁多年黎最最最特別既暑假
我依加諗返未放之前果個我
原來我以前好簡單.每日都可以開開心心
依1個暑假好特別.好奇怪.點解我會變到3日唔埋2日就唔開心(?!)

依個暑假.我識左數個新朋友
以前我會覺得咁就好開心.但係依加仲會諗..其實我發現我人緣唔好
以前過暑假..每日係屋企坐.望住電腦望住電視.訓覺食飯做功課.咁就完左
今年大半個暑假首先就已經冇左..之後黎緊果年要接受更多挑戰
如果俾我簡.我真係唔想返學.唔想面對
講好聽啲就挑戰.難聽啲呢......我好驚將來果1切
對唔住.其實我仲係好驚

今年暑假.巨聲2令我眼界大左.以前我只有Lollipop
我成日同人講.人同人之間有磨擦好正常.其實因為我真係唔識安慰人
俾人討厭.同好友互相誤會.同8婆鬧交
發生左好多事好多事.
但係都好似得1個結果.我唔開心.好唔開心.低潮
其實俾人討厭件事.其實好多人話我冇錯.但係基於自己陰影
我覺得我有錯.雖然我唔知自己錯咩
有人同我講依加已經冇事.佢地冇再討厭我.其實...我需要當事人同我講1句
嗯.我唔知你會唔會睇到.但係我覺得我要講句對唔住.
我唔知依加係點.我只係希望依句對唔住.真係真係可以平息依1切1切
好友.希望你會知道我係講緊你
對唔住.我唔知果日我痴左咩線.將所有都睇得勁灰
係到諗.你係唔係有1日都會離開我
文麗話我放棄你既話會後悔.其實我講第1句既時候已經後悔
28號同你講果句呢.唔知你仲記唔記得.但係其實我真係好驚好驚

依個暑假我得到好多.都失去左好多
我知道我有好多啜我既人.我1句唔開心佢可以陪我.想我開心返
我琴晚因為♥你1句話好想喊.因為我知道有你係到

我知道.以前同依加好多野都好似變左好多咁
我想.做返果個我
多謝你地咁多位俾我既回憶
暑假.掰掰