|
尋晚因為太支力既關係,所以冇打日記...
依家補番!
尋日1開始我就攪錯左[[時間]],,點解呢,因為我尋日其實係番12點半的....但我9點半去到囉-3-""
個女經理仲話[[我傻囉...做咩咁早番黎呀,冇野比你做住]]
咁我好無奈走左去m記食番個早餐,食完又唔知有咩好做wo,咁咪行番屋企先囉,一路行一路同亞文傾電話,
講左好多野,之後因為要入電梯既關係,收左線...番到屋企等到11點到又出門口=3=""
去到差唔多12點,正確d黎講係11點11個字先岩"去到佢比衫我換,又攪d咩工作卡果d乜乜乜啦,
攪到成12點半先比到去,我第1樣學既就係記位,之後就清碗碟果d,係咁做做做,做到都唔知時間,
突然個黑衣人(姐係d經理,因為佢地件衫係黑色!)同我講休息,咁我咪去到,3個字之後又做做做,
到食晚飯既時候,5點半,我係第2段食飯既人,分時間,食飯半個鐘1次,休息每次3個字,
食飯果時我又同亞文傾電話囉...冇食飯,之後仲冇電cut左佢線,sor!!
食飯時間完左,黑衣人又教我點放刀叉果d,之後好多好多人黎食飯,攪到好忙,做到冇停...
7點半-10點半係最多人....10點半d人散都差唔多...我就做到死咁,係咁收d碗碟...做到癲,
明明話放10點架ma,,10點9個字個黑衣人先叫我放工!!
因為我好支力既關係,我坐輕鐵番屋企,不過冇位坐,,對腳好痛...都要撐到番屋企...
番到屋企諗住沖完個涼就去訓,,點知突然有個我估到9成既壞消息(關於我細佬,唔係好想係到講),,
唉..攪到我訓少左好多時間,又攪到我亞ma成晚冇訓...我都唔知點好,,!
 
|
2006 年 1 月 2 日 星期一 
