|
海洋公園....
我期待已久的16號終於都到左啦,我同西西&佩佩,約左３點係建生到ＷＡＩＴ．
我地係建生食完下午茶先坐車…我地先坐９６０去力寶轉ｏｐ巴去海洋，
係車到我地３個係咁傾計，好快就到左力寶…
下落車，超多人係果到排緊隊，有ｄ仲係同我地一班車黎，我地拿拿聲走去排隊，ｗａｉｔ左唔係好耐…
就上到車，都唔知係唔係ｄ人鐘意同人逼…前一班ｏｐ巴冇乜人好多空位，我地坐果班勁多人．．．
多到ｄ人冇位坐要企，轉下眼就到左ｏｐ！！
我地一落車就走去睇ｄ買萬聖節野既地方ｓｅｅ，睇左一陣都唔岩心水冇買，
咁我地就拎飛去入場．．．入場果時ｄ工作人員比左一條紙手繩我地（１人１條）．．
入到去，我地見到ｄ人拎住ｄ惡魔叉都覺得好得意好想買，就走去ｄ攤位都睇下有冇得買，
一睇就睇到有，仲要係得番３支．．．我地拿拿聲拎係手比錢（西西！你仲未找番５蚊我ｗｏ）．．．
雖然我地睇到人地果支係黑色，我地果支係紅色．．．不過唔緊要啦．．．都ｏｋ啦！！
我地拎住支野行到第１間鬼屋〔驚〕劇冤伶，排左一陣隊，好快就入到去，我就覺得唔係好驚囉，ｄ鬼好假，
不過西西同佩佩就唔同．．．一個扯住我隻手，一個係我耳仔附近叫，
攪到我都好驚，驚唔係隻手同耳仔有冇事．．．
出番黎果時有人打比西西，係佢個ｆｄ亞估同佢２個ｆｄ都到左黎ｏｐ，叫我地搵佢地一齊玩，
本來我同佩佩都唔多想搵佢地，想自己３個玩，但西西１支箭咁出去搵佢地，咁我同佩佩只好跟住西西跑去搵佢地，
搵到佢地之後，我地又同佢地玩多次果間〔驚〕劇冤伶，今次有ｄ地方唔同左．．
ｅｇ，本來企係幅畫後面，今次就走左出黎咁
之後就去左招魂古都，唔係好驚，
不過就發生左件幾得意既事，就係我地玩玩下有條分叉路，唔知行去邊，果時有隻鬼走黎教我地出黎去．．．
我地仲同佢講ｔｈｘ添，
之後就係異度廢墟，瘋人島，驚慄馬戲班．．．玩到好力支，都冇乜休息
玩哂ｄ鬼屋都成１０點幾１１點左右，個個第２日都要番工番學，所以玩哂就走．．．
ｐ．ｓ
-0-"行去排隊玩果時,我見到有幾隻[鬼]行去我身邊,最攪笑係我同佢地握手囉...笑爆!!西西都唔知幾妒忌我...呵呵
對我慘既就係..我副眼鏡又比西西整爛..岩岩先整好,又整爛...唉
全日最慘就係排隊．．．排死人咁制．．．玩一個ｇａｍｅ要排成個鐘玩得果幾分鐘，咁都算，
到想走既時候，等纜車果時係最冇陰公，又餓又力支．．．仲要擔心冇車番屋企，
不過我地都好好彩．．坐到尾班車番屋企，
我係樓下買左ｄ野食番屋企食，果時都１點鐘．．．拿拿聲食完訓覺．．．
如果有下次既話，我地１定會好好準備””唔會好似今次咁！！
 
| 
2005 年 10 月 18 日 星期二 
