今日我0既心情冇比個天影響到，因為我今日去左day camp呀...

首先，我地就0係大概8:30左右去到0個度---大棠保良局度假村。行程表﹕

羅馬砲架→食晏→自由活動(我去左整收縮膠，不過唔知飛左去邊l
u....最尾就去左唱k)

時光倒流....

0係玩「羅馬砲架」0既時候，d阿sir都好比心機咁教我地點樣整個砲架出黎，我地做得唔好0既時候，佢地都會幫下我地手做，又或者提下我地點做。哈哈，終於到左「重頭戲」lu...我地將d入滿左水0既氣球(下面會簡稱做「水彈」)放0係張紙皮上面。發射開始!因為林禮軒整爛左5個以0既「水彈」，激到成組想打佢，不過我都有整爛左2個0既，所以...都係唔好話人好d

終於到左食晏喇!呢個係我期待0既野之一(想知我最期待0既係乜野，就睇睇下面啦)

接住落黎就係自由活動0既時間，我同徐佩琳本來就一齊走0既，點知行行下，佢又話想去跳彈床喎，所以我咪自己比自己一個自由活動0既時間囉!跟住就撞到曾詠苗喇，佢本來想整彩砂樽0既，但係一聽到我講話有得整收縮膠0既時候，就好快話又要整收縮膠，因為佢話佢好耐冇整到，想整過。整完之後最激氣0既就係0個收縮膠竟然唔見左呀!!雖然覺得好唔開心，但係都將呢件事當粉筆字咁抹走左。

跟住仲好玩呀，因為我同徐佩琳再加埋5個男仔(陸凱俊+蔡梓為+劉楗君+冼浩均+林禮軒)一齊去唱k，雖然真係幾好玩0既，但係個林禮軒成日搶左個咪走，較到我同徐佩琳冇乜點唱到!