原來病左0既感覺真係唔係幾好架，又要去食藥...不過我都係入返去正題先喇，今日係我個妹間學校0既家長日，而我...就好無辜咁又要跟埋阿媽去，因為阿媽話舅母就黎走喇，所以就要同佢餞行，話說我地出門口0個陣已經11:50左右喇(阿妹要12:05見家長，仲要搭輕鐵喎)，0個陣時差唔多會遲到架喇，但係好彩，唔係遲左好耐，佢個班主任仲見梗家長，跟住我地就去左填問卷，不過我覺得有好多人望住我，可能係因為未見過我掛，跟住阿妹0既中文老師又問我讀邊間中學，咁我咪答佢囉，阿媽終於都填好問卷啦，跟住我地就去阿妹0既課室，佢今次0既成績超差，梗係啦，佢都冇乜點溫書，又點會有好成績吖...

見完家長之後，我地就去左酒樓食野，當然唔少得姨媽同舅母啦，但係阿妹就要擺返d書+換校服先黎，我地黎之前，姨媽同舅母已經黎左喇，跟住佢地就點左野食，到我地黎0個陣，d野食已經差唔多黎齊哂lu...等埋阿妹黎之後，阿媽就嗌左甜品比阿妹食，而我都嗌左豆沙鍋餅食，超好食呀!

食完野之後，我就要返屋企同我d功課「駁鬥」，唉...