嘩，今日真係過得好充實呀，今朝早10點幾0個陣我起左身，因為我應承左阿媽今日要去上水，所以...咪去囉!其實阿妹仲早過我起身架，但係淨係早幾分鐘 =.=我地搭完276P之後就黎到上水喇，跟住就去左麥當勞(我地同基舅父+姨媽約好0既地方)，仲食左好好味0既薯條添!食完薯條之後，我地就去左探姑婆，探完姑婆之後，我地就探另一個姑婆，但係佢去左佢個女道慶祝母親節，於是就搵唔到佢喇，不過因為0個道係耕地，所以我地落手落腳囉個鋤頭鋤鬆d泥，又將紅蘿蔔同荷蘭豆拔出黎，擺落個桶道，再囉d紅蘿蔔去洗+曬乾，到最後我地都囉左d返黎做「戰利品」架，呵呵!下一站就係去上水金都食野，我嗌左「豉汁帶子蒸豆腐」，阿妹同姨媽就嗌「菠蘿咕嚕肉」，yummy!食完野之後，我地就同基舅父+姨媽+堅舅父+雪美舅母+表哥分手(堅舅父+雪美舅母之後先黎)，去行街街，我地去左上水廣場，但係0個道唔見左我0既目標--商務書店，跟住去新都廣場啦，都係冇(無奈中...)!戰利品...冇!唉...咁就要同上水講bye bye，搭返276P走lu...(p.s我地0係0個道影左幾幅相架，去我個相簿睇下啦!)