今日係慶祝我+阿妹+陳芷盈0既生日(其實唔算係)，因為星期五要返學0既關係，所以我+黃芷晴+陳芷盈就一齊準備返黃芷晴屋企玩喇，唔知係咪熱0既關係，我地去左買野飲，而我就買左胚芽珍珠奶茶，行路實在太攰喇，所以黃芷晴建議我地搭輕鐵返去佢屋企，點知0係準備搭0個陣，比我撞到鄭羽以同我0既仇人等一行人，咁我梗係去同鄭羽以講hello架啦，我0既仇人囉喎，梗係要「問候」下佢啦，激爆!落左車之後，準備嘟八達通0個陣，我部手機係咁0係道響，於是我就「逼於無奈」咁聽左先啦，點知...0個個係我個妹黎架，但係因為我冇手囉野0既關係，我叫左黃芷晴聽住先，跟住佢地見我換衫要超耐，所以就叫我返屋企先，佢地就去千色行街，幾「貼心」呀!

我返到屋企之後，就諗住好快咁ko杯胚芽珍珠奶茶+換衫啦，但係都係快唔過佢地，差唔多0係同一時間，我個妹返左黎，因為0個陣我已經差唔多換好衫，所以我唔等佢就走左lu...，(p.s:我同黃芷晴0既屋企距離好近咋)去到佢屋企門口，我見到佢+陳芷盈0係個地下大堂道等我，真係唔係幾好意思0既...黃芷晴0既阿媽都0係道!

去到佢屋企之後，我+陳芷盈即刻衝入黃芷晴間房擺低自己d野，再悶左一陣，又去左佢2哥間房玩電腦，仲睇左段超變態0既片，較到我差d想嘔...睇睇下，我個妹又打黎叫我地去接佢喇，於是我地就搭lift飛落去喇，當黃芷晴見到我個妹0個陣，佢簡直係以飛0既速度飛過去我個妹道，再道上返去...

上到去之後，我地睇返0個段片，我個妹仲居然笑得落喎，都唔知好嬲定好笑...跟住因為黃芷晴vs陳芷盈唔係好妥對方(咁上下啦)，就將我同阿妹都分開埋(都0岩0既，我同阿妹都互相睇唔過眼好耐喇!)，我就同黃芷晴0係佢2哥間房，阿妹就同陳芷盈0係黃芷晴間房，我同黃芷晴呢都幾鐘意唱歌架，所以我地就分別唱左S.H.Ed歌，跟住黃芷晴就發現我唱歌原來好好聽架，佢唱歌又好好聽喎，所以佢又唱左首歌比我聽，我地再合唱左一首梁靜茹0既歌，無幾耐，阿妹+陳芷盈又入左黎，佢地都係唱得之人，所以我地四個又一齊唱左幾首歌添，超好聽!本來我+阿妹+陳芷盈可能會0係黃芷晴屋企食飯架，不過佢2個阿哥都返黎食，於是我地就plan 0係某知名快餐店大快活食喇，我嗌左個白汁粟米魚柳飯+熱奶茶，嘩，yummy!食完野之後，我地就各散東西，「各行各路」lu...