好耐都冇上過黎打blog喇，等我話比你地知我呢幾日去左邊啦!其實我呢幾日同屋企人一齊去左馬灣公園...入面0既挪亞方舟，0個度實在太好玩喇，所以我而家超想去第2次，不過$$問題，所以...冇可能lu...

yeah!終於都可以入去挪亞方舟lu，我地首先就搭輕鐵x1個站+西鐵x2個站，再加多搭船去珀麗灣，一路搭船一路睇風景都幾好feel下架，搭完船之後仲要行超耐先到，到左之後，我就要曬一陣先可以入去，因為我阿媽要去換票，跟住0個度又冇乜地方可以擋太陽，所以....0個陣時0既感覺:慘! 唉...不過去到房之後就超happy，0個度實在太靚喇!較到我0既心情由-->，跟住我地透左一陣，就去左大自然公園，嘩，0個度簡直係「人間仙境」呀，0岩哂我去呼吸一下新鮮空氣，爽呀!我地仲影左好多靚相添，去我個相簿睇下啦!，黃昏6點幾0個陣，我地就返左去酒店房透一陣+睇「櫻野3+1」，8點幾9點0個陣，我地就去食夜晚0個餐--自助餐，好味，代價就係...$$!超貴，食左我阿媽差唔多1千蚊(6人)，唉...跟住我+阿妹就返左酒店房，因為要幫部相機差電= . =，差左半粒鐘，之後就去平台花園影相，不過無我+阿妹份，影完之後再返返上去酒店房，有人沖涼，有人睇電視，幾正呀!

第2日，我地就去食早餐，居然有中式同西式比我地簡，好到極呀，食完之後就執行李，再check out，跟住就去左展館兼睇左2套電影添，好有教育意義架(有3個展館)!參觀完之後就搭黃巴士(即係城巴)走人，因為某d原因，我就0係架車度補眠，再0係荃灣0既美心皇宮度食high tea (0個陣係15:30)，水晶紅豆糕超好食，我又食左珍珠雞，不過一隻珍珠雞得一餅錄音帶咁大咋!食完之後我地就搭68M返黎元朗，搭車0個陣仲可以打機添，可能之前補過眠掛!