早幾日, 返左大陸幾日,

去探下我ge公公,

佢, 90幾, 已經唔行得, 仲有老人癡呆, 唔咬得野,

搞到唔吸收, 依家大腿真係剩下骨,

所以要係佢在生時, 多多探佢...

返到去間大屋, 諗起好多野,

諗起佢好生猛鬧我阿哥,

冬天戈陣倒過d熱水俾我地班孫浸腳,

大壽戈日,成班姨媽舅父同佢影相,

朝早起身梳洗去飲茶ge情景,

見到佢依家咁, 都流左眼淚,

媽咪係以前搭車返去戈陣,都會提到公公細細個以經要周圍出差,

都可以話係離鄉別鎮, 以前戈代人真係辛苦!!