暱稱： k@z@f☆華仔
性別： 男
國家： 香港

2006 年 5 月 9 日  星期二
好黑仔..不如改名叫黑仔華啦

5月7日,呢日我會永遠記得,好黑黑黑仔,我系放假既,送完朋友返屋企就搵巴士返屋企,去到巴士站等車,諗諗下,今日公司有人冇返,得好少人收尾,就諗住返去幫手,跟住就繼續行去搵車出返mk,如果唔系諗住返公司幫手可能唔會發生呢件事,系夜晚11點50分左右,系啟業村對出觀塘道俾兩個人打劫,俾佢地打得幾金,流左好多血,搶左我部電話,本身佢地仲想搶埋我個銀包,可能見有人行緊過黎就即刻逃跑,我個人都就暈就暈咁,想追都追唔到,有個好心途人幫我報警,跟住d差佬黎到,系咁問我發生咩事,佢地知道後...好快,真系好快,20分鐘左右就捉到人喇,但有樣就好慢囉..知唔知系咩呢?我仲可以知到捉到人,正常泥講20分鐘我應該上左白車去左e院啦,但白車仲未到囉,架白車原來唔識去錯左地方,我起碼等左35分鐘架白車先黎到,唉...呢d咪叫做效率囉,我等睇e生都等左好耐,睇+等都用左兩個幾鐘,e生叫我入院,我話唔入得唔得?佢話得..不過後果自付,因為我鼻樑骨裂左d,心口下面幾痛下,唔知有冇內傷,唉..咪入院囉,我最憎入院家麻,真系好煩囉,差佬問,跟住第二個差老問,又第個亞sir,雜差又問,重案問,e生問下,姑娘又問下,同一樣野我講左9百幾次囉,上到病房已經4點幾,訓左一陣,諗住有早餐食啦,因為我超肚餓呀,點知冇我份,話我唔食得野喎,個人down晒,算..飲水,跟住e生黎睇我,睇完之後,我梗系問佢我食唔食得野啦,佢話可以食流質既野,我就祈待個午餐啦,點知系一碗不明物體,張紙寫住攪肉粥,但成碗糊仔咁囉,食左一啖..唔食..都唔知咩泥架,俾狗都唔食啦,喂住個幾餐都系呢樣野,所以我冇食過野,跟住今朝10點幾我問姑娘我食得野未呀,我就黎餓死喇,跟住姑娘問完e生話食得之後,我即刻衝左落去餐廳,我成40個鐘冇食野囉,我食左3份早餐,之後個肚滿足晒^^,喂住睇埋耳鼻喉專科,個e生都系講返鼻樑骨裂左個d野我聽,不過冇咩移位,喂住問我開唔開刀,下....開刀?你都話冇咩移位咯,一個月左右會好返,佢話開刀穩陣d,我梗系唔開啦,跟住3點幾等埋個e生睇我俾我出院,我就去左差館俾埋我d口水樣本俾佢驗dna,因為個兩個賊件3有我d血,之前話捉到人既時候已經問叫我認人,我話點認呀,咁黑,我根本睇唔清佢地個樣,不過個重案組既人話認唔到都唔緊要,因為系佢地系斷正既,叫我返差館羅口水驗dna都系想多一樣證據姐,跟住我就返返屋企打緊呢篇野喇.......