頭先睇左表姐你既日記......8月比我既一篇日記,對唔住,原來我今時今日先睇到.........
多謝你,多謝你咁關心我
原來我既聲音都未至於好煩,仲會有人希望聽到我既嘈吵,我好開心,我一直都希望大家會喜歡我既存在,喜歡我既聲音.
我都記得以前,我地玩既扮番工.....扮露營........亦都有打交打到飛起......
原來你都同我一樣,會記起li d傻瓜遊戲,會想起我......
感情上面既野,我一向唔想講咁多.....唔係對邊個既關係,係因為我覺得講出黎會好怪........可能係我怪啦
近年黎既轉變真係好多,好大,唔知點解,自由度我而家基本上係原全擁有,但並唔係我想咁,咁開心,快樂.....而家既生活對我黎講好怪.....我諗我以前點都唔會諗到自己會咁去行........見自己瘦左好多,我好唔開心,7_8月個時我諗我係最瘦既時候,我諗好多人都唔知,個時既我,我每晚都喊住訓,小小事我都可以即刻大喊,長期失眠.....攪到咁係自己攞黎
18歲既一年,我的確過得不知所謂,好似我所做既所有決定都係錯咁,我的確係咁覺得.
我知,我令到好多人好傷心,好擔心,好不孝咁原全冇理媽媽既感受,我知道佢好辛苦,我知........冇論我幾不孝,冇日係屋企,一個星期可能都冇一日番屋企訓,直到而家我走左,佢仍然會企係我身邊.
好記得好記得,佢前幾日send比我既一個信息:屋企永遠都等你
我知佢永遠都係最愛我而且冇求回報地愛既一個人
