GOTO DMC！GO TO DMC！
大家見過個漫畫封面係咪好核突呢...本人一開始都頂唔順佢d畫風
第一次睇個陣都唔覺有物好睇, 但係睇第二次既時候, 我發覺到本野既樂趣.
唔好比個封面呃左, 唔好因為佢d畫核突就放棄...因為佢既內容和其他漫畫好與別不同.
我要介紹既就係呢套漫畫 detroit metal city / DMC〈港譯: 爆粗band友, 台譯: 重金搖滾雙面人〉
首先, DMC已經受歡迎到第一集銷量達三百萬, 仲勁過DEATH NOTE
做埋動畫, 電影等等, 就連明星都對佢愛不釋手...
究竟有咩咁好睇??
簡介: 主角根岸係一個剪冬菇頭, 超級平凡既人, 來至犬野飼大分既鄉下仔,
佢既夢想係做一個受歡迎既POP澀谷系音樂人......之但係.....
佢比人呃左入去一個專唱DEATH METAL既地下樂隊DETROIT METAL CITY ...
並化名為KRAUSER二世, 仲話自己係地獄黎...
一上台就不經意爆FUCK FUCK FUCK ,強暴殺害,
尸口中月你個X ,一秒十次FUXK同埋十一次RAPE既粗口等
又玩賤野變態野, SM等等,〈都係因為有個s級惡魔社長迫佢, 為左出名〉
但私底下就係一個軟弱, 喜歡POP歌討厭DEATH METAL既牛蒡男...
兼且每當聽到DMC既歌〈自己作的〉, 同埋事後會為自己做過既變態野而感到羞恥..
本來想將事實告訴意中人相川, 卻因相川討厭DMC, 非要隱瞞自己係DMC主音KRAUSER不可...
就咁睇呢個主角設定好慘....
但係呢個漫畫以根岸唔中意DEATH METAL卻玩得大紅大紫,紅遍國際
玩自己中意既POP歌就冇人欣賞 呢個矛盾引發左好多又賤又抵死既笑料...
呢個就係漫畫好笑地方啦..
在賤, 爆粗既背後, 其實都隱瞞左根岸對現實既無奈..
想玩自己中意既音樂, 又比人擲雞蛋, 玩自己討厭既音樂就大受歡迎...
我地在生活入面好多時都會迫不得已去做唔中意既事...
呢套漫畫正正諷刺社會現實的無奈。
漫畫已經出到第六期啦...等第7期得到我頸都長埋~!!!
之後講動畫...
其實係08年8月新番, 係乘著電影真人版個勢出既..
一共十二集, d爆粗歌都作埋出來...
有豬乸交響曲, 邪惡戀人, 魔王, satsugai, fucking 漢宮, 我要報仇, 獵奇等..
老實講我唔係全部中意..有d什至覺得係噪音...話曬係heavy metal
不過自己中意魔王, 我要報仇同satsugai〈主題曲〉, 自己中意聽有melody的歌。
then到電影....
嘩, DMC我最中意係電影。我自己真係好中意睇..
除左主角松山研一吸引我之外, 個劇本都唔錯...將d散鬆既情節串埋一齊
又唔怕會不流暢, 最重要最抵讚就係好多角色個樣同漫畫都好似..
特別係dmc三個成員, 根岸, 社長, 同dmc首號fans...d樣同d服裝簡直一樣..
松山研一扮krauser同根岸真係超掂...話型就型, 話牛蒡就牛蒡,扮咩似咩...
雞蛋裡挑骨頭就係佢演到根岸好那型...漫畫都唔係那型...
呢套野有好多笑位..自己睇左4.5次都笑得出...
最好笑係根岸用krauser身份同學弟係厠所唱歌,
著住krauser件衫,但係就用根岸d動作黎係條街嚇細路...
同埋用krauser身份教自己細路調理農務,
仲話自己個冬菇頭係公然猥褻頭XDD〈J頭〉
我諗d笑位通常係個樣係krauser, 個心係根岸個陣..真係好鬼核突...
講完.....我都係唔講咁多...想睇可以CLICK下面既網..
動畫 http://bbs.xdxdxd.com/viewthread.php?tid=106660&sid=wPnZrc
漫畫 http://www.8comic.com/html/5543.html
電影 http://video.baidu.com/v?ct=301989888&rn=20&pn=0&db=0&s=21&word=%D6%D8%BD%F0%D2%A1%B9%F6%CB%AB%C3%E6%C8%CB
歌既話上YOUTUBE打 GO TO DMC就會有好多.
跟著就係松山研一係套戲個LOOK.,
本身個令仔樣...
剪左個咁猥褻的頭仲係好靚仔...
佢自彈自唱個陣我真係好想打暈佢..
KRAUSER魔王, 勁似
以KRAUSER身份教細路改邪歸正
動畫厠所個幕..我唔中意電影張CUT圖所以用動畫的.
好鬼核突呀...睇見佢個樣真係笑死..
KRAUSER的風姿
相川, 我覺得佢有D似徐若瑄, 都幾令女..
睇完D相, 大家幻唔幻想到我講所謂既笑點呢?
當各位有厭力或者唔HAPI個陣, 睇呢套野減壓都幾好GA~~!!!!
建議睇電影先..之後先睇動漫畫..
你地快d留cm呀!!!我打左好耐啦!!!!
|
