|
哈∼我今日終於都有番ｄｄ心情寫我個日記仔啦∼啦∼由我今朝講起．．
今朝１２點幾１點就俾我個家姐細佬嘈醒左．．唉∼真係煩！成日係度嘈生晒！咁我咪死左起身囉∼
跟住就刷牙洗面啦∼嘩．．我見到我個樣殘到仆街呀！慘慘呀∼之後就整左野黎食啦∼食完就得閒冇野做．．
幫我阿媽做家務．．（掃地，執屋，洗碗）唉∼咁先至有錢拎呀嘛！當我洗緊最後一隻杯既時候！
我都唔知係咪真係黑成咁架！∼洗到最後果陣．．佢爛左喔∼我發誓我冇整過佢架！我幫佢洗白白架喳！．．
佢就好似當我仇人咁！佢．．佢．．拮我呀！嗚嗚＞＜！仲拮得好深添！我諗住拎膠布果陣．．冇晒既？唉∼
雖然ｄ膠布大多數係我用晒！我唔記得左前日我用左最後一塊添∼哈．．好采我醒．．識幫佢包紮！
但係我包到成個木乃伊咁．．＝ ＝我仲以為我會流血過多而死架∼跟住就打俾我阿媽啦∼嘩！嚇親我∼
佢竟然話：拮親姐．．我番緊工架！自己唔識止血架！．．．．跟住就ｃｕｔ左我線∼好無奈囉＝ ＝！
跟住就打俾我大佬啦∼點知佢家姐話佢死左出去喔！咁我咪打俾我個老婆．．茹姐囉∼跟住同佢傾左好耐啦∼
之後咪話抹埋ｄ碗就打番俾佢∼跟住咪抹完打埋俾佢囉∼跟住佢唱歌仔俾我聽啦∼嘩，你恨唔到架啦∼
唉∼你知我屋企嘈架啦！咁咪鬧爆佢地囉∼跟住我老婆佢．．佢．．安慰我呀！＞＜∼好開心呀！
佢終於都大個女啦∼傾左一陣∼跟住ｃｕｔ左線之後．．又無聊得制，咪做功課囉∼睇下我幾乖呀！
唉∼做做下又覺得無聊喔∼咁咪唔做囉∼睇電視．．跟住食飯∼食到８點幾．．就玩電腦啦∼唉∼
都冇人同我傾ｉｃｑ．．唔上啦∼－ －！跟住沖涼∼沖完就睇電視∼睇完咪打番個日記囉∼
都唔知係咪我冇打幾日個日記仔就唔打得∼打完又唔見左兩次！激死我∼不過呢次打到啦∼
我會好小心咁打！打到我抽筋呀∼係咁啦∼８８！
想知我呢幾日咩事？唔話你知∼等你心屎屎！
|
