琴日係我期待左好耐既小學聚會..真係過得超開心呀...

11個人... 最可惜就係約唔夠d人.. 有d又臨時唔黎wo... 不過都算啦...

雖然唔係去bbq... 去食pizza hut都幾開心呀... 食到勁飽呀...食左50蚊=-=..

之後食唔晒d野又玩遊戲.. 輸左既食晒佢... 勁頂癮wo...

有個兩個柏雨既.. 食緊野都係計數... 又狂講英文wo... 真係同佢地一齊食飯真係好有壓力呀...

之後食完野.. 佢地仲係度狂影相.. =.= 我都係唔會影既... 影左好耐...

跟住我地就交換msn(係我去既目的).. 我地好似係度簽名咁..係咁寫係咁寫...寫到隻手咁攰wo..

之後我地離開左pizza hut 之後就計劃一下陣間去邊度..

本來話唱k.. 但d男仔又唔唱wo... 跟住話去沙田.. 但又話驚人多...

最後.. 都係決定左去大尾督踩單車... 但都有幾個人唔去...

最後得返6條友.. 算啦.. 跟住搭的士去大尾督... 14蚊=-=...

之後租單車.. 租單車條友好串囉.. 勁黑我憎..

跟住我地租左3架單人車.. 一架3人車... 120蚊.. 一人20蚊...都ok既...

踩去堤壩真係超爽呀... 雖然好累.. 但個度真係勁令勁爽呀..

一次過踩到壩尾... 正... 跟住我要幫佢地買水.. 同2個男既一齊落去.. 一個男既踩得快dd..

買個支水買左7蚊支... 哈哈.. 因為我媽的關係.. 我買左7個半 3支... 哈哈... 笑死我呀..

 之後又踩返上去.. 係上面坐多一陣...有人問我地借車落去買汽水飲...跟住我地借左比佢..

咁岩果個人又有帶隻狗wo..係公仔貴婦狗呀.. 勁勁勁可愛wo... d毛毛勁舒服..>< 玩左佢好耐呀..

之後我地又差唔多夠鐘還車但條友又未返黎wo... 之後我地就一邊向前踩.. 睇下見唔見到佢..

踩到一半就見到佢喇... 跟住我地就勁快咁踩返落去... 岩岩夠鐘還車...

真係超攰wo... 我踩左4轉呀.. 又上又落又上又落呀... 琴日真係做足運動喇...

之後就搭巴士返富亨... 之後我地就分開左喇... 但6個入面有4個都係住富亨既..

仲有一個同我住埋同一座添...哈.. 琴日真係玩得好開心... 期待下一個既聚會呀...