今日係我期待左好耐既826呀... 真係好正呀...

琴晚叫我阿媽7點叫我起身... ...我7點起左身之後...

玩左半個鐘電腦之後... 就比左我家姐玩... 我本來約左我表弟8點半等...

我家姐竟然搞左勁耐=-=||| 最後真係遲左到... 我表弟真係慘呀..

之後我地3個去左食吉野家... 好好味呀... 食完野之後就去左百佳買野食...

之後就搭72x去旺角 銀行中心....  之後再搭970去數碼港...

搭完又搭之後.. 好辛苦先去到數碼港...

去到11點半到... 已經見到w-inds. 既fans排個條龍好長...

之後就行行行行... 跟住我以為到左條龍尾啦.... 點知....

係我前面個女人同我講..." 我已經係排到最後果個黎架喇... 你去後邊排啦"..

原來分左好多條隊架... =-= 個條原來係第一條既龍尾黎架...

跟住我就繼續行呀行呀行呀... 行左好耐... 飛到老遠先見到條龍尾... oh no...

之後排左2粒鐘到先入到場... 個數碼港都唔係好大姐... 又話可以容納到1萬人... 都假既=-=||

個show 3點先開始... 我1點幾就入到去喇.... 之後果個幾鐘係到傾下計.. 玩下野... 就過左喇...

之後個show就開始喇.. 個主持人講左好多好搞笑既野令到我地好鬼開心...

之後... 係咁玩人浪... 抽獎呀... 講下w-inds.既野呀... 請d fans上台玩呀...

本來我都有份抽中架/"\ 點知我輸左比我件衫裡面既綠色>< 我唔制呀... 件trial 衫我好想要架... 唉...

跟住又播w-inds. 之前既 pv wo... 超開心呀...

之後就到左最緊張既最高潮既 直播視像會議.... 丫丫丫丫丫(係咁叫).... 勁開心呀...

慶太真係超可愛呀... 一開始就話.. " 大家好... 我地係w-inds. ".. 慶太話.. "我係慶太~!!"  用中文講架...

我知佢地練左好耐架喇.. 佢地真係好西利呀..... 叻叻叻叻... 之後.. 又問佢地幾時黎香港...

佢地答左都等於冇答過咁.. 真係傷心呀...  之後.. 又問佢地幾時出新碟..

我覺得呢條問題搞到我地好似好留意w-inds.咁囉.

呢條問題都問得好餘既...但係 慶太就好可愛咁... 係咁指住把扇既後面...

好可愛呀... 因為把扇後面係印左佢地新碟既資料既..

把扇我都有架.. 入場既每一位fans都有架... 正正正正..

←正面

←後面.. 呢把扇我會好好收藏架喇^y^

.之後... 我地fans就大合唱Forever Memories比佢地聽... 首歌好深意義架..

佢地一邊聽我地唱... 一邊係到跳舞... 真真真真真真係好有型呀... 又夠可愛wo.... 好鬼得呀...

佢地好似好開心咁呀... 咁就好喇.. 哈哈.. 我最中e 大合唱呢一part架喇... 超正呀...

之後.. 我地就玩人浪同佢地講88>﹏<.. 我唔想咁快分開呀... 嗚...

之後就播佢地既新pv..boogie woogie66.. 好鬼正呀>////<.. 型到爆呀慶太..

pv照↑↑之後... 就到左5點鐘.. 要散場喇... 跟住我地就行返去搭970返旺角...

行去既時候... 見到tvb既記者呀@0@... 其實係進行緊show裡面都有好多相機呀.. 攝影機呀... \"/ 好黑人憎呀...

之後..我表弟話要返屋企食飯.. 我就係旺角同佢分手... 之後.. 我就同我家姐搵野食...

行左好耐... 終於頂唔順入左一間野到食... 果間野真係好過份... 比佢呃左...

唉.. 食左58蚊野... 飽到嘔呀... 好鬼憎呢間野.. 以後都唔會去食呀\"/

↑↑58蚊既晚餐=-=.. 仲有前菜... 湯呀.. 未影到.. 總之就食到好飽啦..

跟住就搭271返屋企... 真係好累呀... 由11點半企到5點... 其實我覺得都好值得架喇...

雖然只係見到佢地2 3分鐘.. 但都已經好足夠喇... 希望佢地真係可以黎香港啦...

w-inds. 我永遠都會咁愛你地架>////<

今日都係冇出到街...

同我家姐同阿妹一齊食晒半大個西瓜...

我未好返.. 應該係唔食得架... 不過個西瓜太吸引喇...

3條友... 一人拎住隻"根".. 係咁"匹"黎食... 超爽呀...

但食完之後... 就係咁咳.. 咳到就黎死咁滯

不過仲有4日咋... 星期六就可以去到喇^^..

我一定要狂買w-inds.既商品先得... 哈哈..

↑↑食完之後個西瓜變成咁...

今日成日都係屋企... 諗住都唔會有乜特別事會發生....

點知到6點幾既時候... 我係度幫慶太影相相既時候...

發生左樣大野....     就係....

係我隔離楝樓... 亨榮樓 又有人跳樓... o... 好核突呀...

不過我冇望到... 好嘔心呀... 聽日應該上頭版喇....

跟住到左夜晚個時.... 我不停咁流鼻水... 連把聲都變埋... 想打"黑痴" 又打唔到...

勁辛苦呀

今日同ceci出旺中.... 再戰我部機\''/

哈哈... 今日真係買左喇....^^ 連ceci都有買....

佢買埋...就可以平d... ^^如果第3個人買就可以用$129就可以買到架喇....

^^ 跟住係咁影.... 慶太d相影到好濛呀><...

今日係旺角行左好多地方呀.... 但行黎行去都行唔到我地想去既地方既/"\

我地行下下既時候... 見到前面有個人.... 好熟口面... 望真d...

原來係... 撚楊黎架.... 竟然撞到佢wo... 旺角咁大都撞到wo.... 真係有緣呀...哈...

↑↑↑正面既...><　相機．．

↑↑↑側面既... 雖然都幾厚下.. 但唔錯架...

今日首先叫我家姐陪左我返學校睇分班...

真係好開心呀... 入到d班... =-= 但竟然d班有28個男仔囉..

超多囉... 討厭\"/..  跟住約左馮生拎答案..呵呵... 有埋英文喇... 仲係未有中文=-=|||

跟住就同我家姐一齊出左mk睇"" 死亡筆記""  真係超超超超超正呀...

我地係搭巴士去既... 搭緊既途中...

隔離個兩條友... 應該係大學生黎既... 都唔細架啦...

思想仲咁幼稚wo... 兩條友係度講" 百變小櫻" 囉... 無奈

已經算喇... 其中一條友仲係咁笑wo... 難聽到極點囉....

又唔知自己講野大聲wo.... 吵死喇...  呢個都算喇...

另外個條友仲....  係咁... 釋放佢既胃氣wo... 仲係咁不停發出極難聽既聲響... 噁心.. 死得人呀...

竟然仲同佢同一個站落車WO... 無奈.......

跟住我地就去左個戲院買戲飛.... 睇2點幾個場...  仲未夠鐘... 之後就同我家姐去左仙果園食飯...

食左24蚊... 都幾好食既... 唔錯唔錯....  之後行多一陣就入去睇戲喇...

個死亡筆記真係好正呀... 睇到最緊張個度... 我以為係戰鬥開始既時候...

佢竟然彈左d咁既字..."十一月再戰 " -0- 當堂o咀囉... 唉... 要等到12月添呀...

睇完之後.. 就走左去旺中行左陣... ><竟然比我見個寶貝呀...

係一部數碼貼紙相機... 竟然竟然竟然... 帶唔夠錢呀... 169真係好平呀

跟住用左好方法都借唔到錢/"\  .. 真係好down呀...

之後就諗住返大埔喇... 係我好down之際... 竟然比我見到有如天使般的波羅.

之後就即刻問佢借錢啦... 佢竟然答我............." 你傻架~!!!!!" oh~ no))))))))

天呀... 比我撞到佢.. 今日撞過佢3次架喇... 係大埔兩次.. 旺角一次...

我以為佢會打救我.. 點知... 佢竟然話我傻... /"\ 呢d朋友係邊度搵呀... 唉...

之後就返左屋企... 諗住聽日帶夠錢... 再出激\"/

希望聽日可以買到啦....