睇反幾年 年幾前既

真係有好多朋友疏遠左

生命是一條有起點有終點既路

有好多過路人 好多回憶 過左就冇

HAHA仲記得4年前係game識左個細我一年既妹

由一開始怕怕醜醜去到可以談心每日例行傾計階段

當所有人以為我地交情好薄弱好難維繫果陣

一fd就fd左3年

好似姐妹咁真實 知對方性格 屋企 學校 什至佢既朋友都識埋

其實即使比較親既朋友我都好難同佢地交心

更何況係人地所講既網友 佢係特別既一個

不過佢一升中就斷聯略haha..

我識佢果陣 我小六 佢小五

haha仲記得佢要交簡學校form果陣我係咁叫佢簡循道

因為佢成績好好 同時我好希望有機會可以一齊食飯 做個真正交往既好朋友

最後佢簡做interview既第一志願

不過最後失敗 佢入左蘇浙 佢話 我呢一年一定要考好佢轉校入沙循

最後佢真係考得好好:) 但係佢冇轉過黎

仲記得果次放榜日我仲緊張過佢一路上堂一路不斷sms佢

妹阿對唔住 當時每日都總係你打俾我自動搵我 基乎冇次例外

同你唔算好熟果陣仲曾經有段時間嫌過你煩..

因為我係好懶好唔鍾意聽/傾電話既人 

去到期待你打黎

即使有日你會冇打黎我會好唔安落好似怪怪地咁我都冇去搵你

無論發生咩事都要做被動果個 我真係好自私

過左4年 我仲係咁 冇變過

睇blog既朋友 好似好虛構咁 但係真正經歷過既先會明果種無奈同可悲

其實呢兩年 我一直等緊電話再響起時傳黎既係好開心既女聲''彤彤阿''

你好似搬左屋? 其實我電話一直save住你手電..

愈寫愈多haha

仲記得sports day果日 我奢望過會再次見反你 仲去蘇浙兜個圈

去到商埸出面就諗反第一次見面 果日係f2既sports day

雖然只係匆匆走過 say個hi 傾一陣就走左

果次係第一次見面 都係最後一次?

呢段感情我會好好珍存