2006 年 7 月 12 日  星期三  

   開心..唔開心

今日...係我地既畢業典禮....都係我地一年既終結...

開始既係劉牧師帶領我地唱詩歌,祈禱...劉牧師叫我地想一樣野去感恩...我認真咁去想..我最想感恩既係我入左基道中學...認識左我既一班好朋友...認識到我地兩個班主任...雖然我地之間有過摩擦...但都有過開心既日子...

跟住輪到Sally姐姐講野...講完到Miss Lo啦!...講講下...我想返KAI妍同我講既野...搞到我喊...唔知邊個俾左張紙巾我..THX!-v-''

返班房...派成績...全年成績:平均分:77.24     全班名次:5/39       全級名次:6/179         算對自己有個交代...總算進步左!...感謝天父...

2006 年 7 月 11 日  星期二  

   去大澳....

今日...我本來應該去老人院既...不過之前已經選擇左去大澳...所以今日可以去玩

8點幾就返到學校...見到曦文同潘嘉芬...一起傾計...傾到9點...我同呀芬就去左鄰右舍...好多人呀!!!=0=''同戈個睡王子-羅見明玩...佢好鬼得意呀!xD''

九點半出車...坐左一個半鐘車...架車''dun''下''dun''下...頭又痛+胃又唔舒服....Oh my God!...終於到大澳啦...呼-/\-''

去看棚屋...有一陣好鹹既味..不過戈到既人好nice呀...我地仲去左一個婆婆既屋企磨豆粥...yummy!...好似飲糖水...甜甜地

跟住去自然教育逕...其實去俾蚊咬...好彩有蚊怕水...

之後就有lunch食啦...五''送''+白飯、白粥任''裝''...Miss施仲每人請左一罐汽水...Thx!

食完唔記得去做咩啦!...跟住有好野看...我地搭快艇出海看中華白海豚...有好多呀!...原來佢地係粉紅色架...好得意呀...仲有架快艇好快好爽呀!-v-''

跟住就買手信...我買左D茶果...原來好好味架...

最後我地每人食左一碗豆腐花...一個字:滑...

又要''dun''返屋企...好彩我訓左...

今日真係好開心呀..我地仲好好彩tim!...上車有雨,落車停雨;食飯落雨,玩又停雨!正-3-''