尋晚唸住兩點幾訓..點知又訓唔著..跟住又係到打NBA LIVE...

我打兩節已經win一百二十幾比十幾...無聊..之後冇打....咁就訓著左喇

今朝6點幾起身...起左冇耐大潤就打黎......

之後8點鐘出左去油塘搵大潤...一齊搭mtr去金鐘...超多人><

去到因為我地冇錢...買左個麵包食ja...之後搭巴士去機械城....

我sun請左張全年證...sun請完之後我地計埋都得個5蚊..唔計8達通

我地一開始又去左越礦飛車玩先...我地第一批玩...坐車頭呀^^

我地就舉哂手..後面班大6喱又唔舉...搞到我地好似kai子咁

大潤知道個相機係邊又唔話俾我知...得佢拜post屎..我就係到舉手><

跟住玩個太空摩天輪.....重以為好激...原來唔係既

之後去左玩海盜船..冇人排.連續玩左幾次....

玩完玩跳樓機...又冇咩人排...玩到最後一次有人同我講掰掰呀
之後我又同佢講掰掰...好好玩呀><....

玩左3次之後就走左買杯珍寶可樂.買完都冇哂錢...跟住就入左海洋館
嘆冷氣....又係到狂影相.....

去完就玩過山車...玩完就走搭覽車....又有女仔同我地say hi喇^^.....

落左去影返張相做證...影完又上返去...之後又走喇...

排隊搭巴士個陣..啲大6喱原來唔識排隊...我成個企係到...佢當我冇到
打我尖..成個企係我前面...衰人黎架....蝦我唔識講普通話

上到巴士...我搵下又一蚊..搵下又5蚊..搵下搵下有十幾蚊..有得飲野!

去到金鐘就立刻買野飲..因為實在太口渴...

買完就搭mtr去彩虹....搭小巴返屋企...玩msn...玩左成晚lu

老婆又唔同我去><下次一定要去呀><

今朝12點就打黎叫醒我..但係因為我太累..收左線之後又再訓過...

訓到2點幾就醒...之後玩電腦...睇女排..中國好勁呀..3比0win俄羅斯

睇到5點..又玩左陣電腦...玩到我老母返黎

佢一返黎就係到罵我問我點解可以傾爆分鐘喎..佢都傻既...

重話要我交哂千幾蚊去.><好窮呀..重話呢個月重有幾十分鐘就爆...

去到9月3先咩呀..><..所以我出街如果我老母打黎我一定唔聽..
哂錢呀...成日打黎講埋啲無聊野...on9既

之後成晚係到睇惡作劇之吻....好好睇呀><....睇到11點就冇睇..

我老豆又傻架.....叫我兩日做哂啲功課去..我采佢都傻...

 佢都做唔到喇...又唔撚知有幾喎...佢咁叻做俾我睇ar ....

尋晚4點幾訓..跟住今朝joey7點打黎嘈醒我..傾左陣..因為佢今日要去
大陸旅行呀.8點就出去觀塘搵大波...之後一齊去金鐘等佢啲小學同學去
OP..去到之後行左勁耐..好似俾錢入黎行街.大波個小學同學講野超好笑
...卡卡..跟住就搭左巴士上山上面...一開始就去左玩越礦飛車...之後去
左玩個低b野...熱過頭冇計喇...當上去涼一陣...跟住去左玩過山車..
玩完就食野..等左勁耐先有得買..食完就去左玩海盜船..玩完去左玩跳樓
機..好玩....玩完又去左玩滑浪飛船...我坐頭個個...整到我好濕.不過好
爽..玩完就落返去..佢地玩夏水禮...我同大波..佢個小學同學就去左玩
籃球既灘位...好難射呀><...玩完又搭覽車上去....搭上去個陣.有人
同我地say hi..但係冇應人...俾人話冇禮貌..一上去就去左水母館..
之後又去左玩跳樓機...今日玩左2次......
不過好玩...玩完就落返去lu...點知落去個陣又有人同我地say hi...我地
今次有say hi喇...重有講掰掰先^^...10點就走lu...我同大波搭地鐵去
觀塘..我就去左搭小巴返屋企....返到去沖涼玩電腦...我表弟終於走左喇