今日牙．．一起身就係屋企執野了．．因為琴日仲未執哂牙．．又係執牙執牙．．辛苦唷∼下次一定要叫蔥蔥黎幫我執牙．．佢自己話好鐘意執屋．．哇哈哈∼∼唔該定先－０－ｖ

係啦．．跟住我牙哥上左黎∼咁我地就出左街了．．去左椰林閣食ｔｅａ．．跟住本來諗住去睇床褥．．但係發覺唔知去邊睇．．哈∼∼所以就落左千色下面間ｇａｍｅ　ｓｔａｔｉｏｎ打機了．．打高達∼∼挑果條友機．．我〝蚊〞刀佢竟然走．．不過當然飛唔出我手掌心啦．．哈∼∼都係應聲倒地．．之後我見佢拎錢．．然知走左去．．冇哂癮－０－

打完機之後就出荃灣了∼出到去去左宜家傢俬睇床褥．．之後就買左了．．但係７號先送到黎．．我呢幾晚都要訓果塊木板．．琴晚已經訓到我背脊好痛了．．痛屎我了．．＞＜∼

買完床褥就去左以前一個好疼我同家姐既社工陳姑娘間新屋．．佢叫牙Ａｎｎ牙．．哈哈∼∼咁呢．．去佢屋企都幾煩的．．因為佢真係住半山．．仲要係好半果隻．．要去如心廣場個巴士總站搭５１號巴士先去到．．一到巴士站．．發覺架車岩岩開左．．下一班車．．半個小時．．哇哈哈∼∼跟住我同家姐就去左買野飲．．之後就係度呆等．．因為除左的士．．呢架巴士係唯一既車上去佢度．．真慘．．

等牙等．．終於等到了．．就上左佢度．．上到去我地就係度打邊爐∼∼食完就周圍睇下．．佢間屋真係好正牙．．個景好令．．間屋又大∼仲望到條青馬大橋．．夜晚果時出左去露台．．一望．．見到成個天都係星星牙．．＞３＜．．正∼嘻．．

咁係佢屋企睇埋奇幻潮同鋼鍊．．之後等多陣就走了．．因為最後一班西鐵係１２點半開牙．．就係因為咁．．我地〝霧〞左一個好大既險．．就係坐架寶馬落西鐵站．．但係架車唔係佢男友開．．係佢開．．哇哈哈∼∼之前我都坐過牙Ａｎｎ開既車．．果時佢最多開到６０．．．今次坐佢車．．都係保持係呢個速度．．而且仲要行錯路．．哈哈∼∼同埋我見佢好緊張．．哈哈∼∼兜牙兜．．仲要去到西鐵站．．我地亦好快返到屋企了．．︿︿