雞哥日誌特約報時:零晨5時45分

大家睇到我呢個時間先黎打日記，應該都知咩事la~ 睇埋我今日做過d咩吧la....

時間番番去24小時之前，一樣既人坐係一樣既位置對住同一部電腦，又諗住通頂。係我腦入面有左今日既計劃︰通埋今日頂，聽日12點就訓，教番正個生理時鐘。無無聊聊咁囉埋隻"叮噹大富翁"出黎玩(et借被我既)，都唔知係我部死人腦既問題定係98年出品既遊戲已經唔岩而家既電腦，不斷咁有一堆bug彈出黎，攪到我心煩、多疑、自言自語(粗口居多la....) 咩更年期呀~咩思覺失調呀~總之精神病d病徵都係我身上出現晒........"頂硬上ar，通埋今日就可以正常番嫁la"心諗。

好la，終於都被我頂到10點幾，阿媽叫飲茶，咁就去左樓下飲荼。一落街先見到今日既天氣，一個字︰霧。前兩年都唔覺會有霧既，上次仲嚴重到我係屋企居然望唔到豐景園!!!!講番今日先，飲飲下茶阿康打黎叫篤波，其實佢之前都約左我ga la，跟住我就去左篤波la~

1點唔夠去到，第一局就黎料la，明明一路壓住ar康黎打，點知被佢發神經入晒最後果3隻color波，計一計d度，居然打和wo~小弟篤咁耐波都真係未試過~如是者又打左兩局，大家都係一勝一負一和，見仲有時間就打多局la，點知大家都打到冇晒心機，打last隻紅波同第一隻color黃波，分別都用左我地2,3個字，呢一局起碼打左一個鐘=.=最後係難分難解既情況下，到我發神經la，再一次係唔知彈左幾多下桌邊既情況下入埋last隻黑柴，咁就打左3個幾鐘la.........，挽回上次輸左既面子~之後阿康去囉車(單車=.=)番屋企，我就去左市中心個邊買左d野，之後番到樓下，惠康同ok都分別做左我50幾蚊生意，咁就冇左一舊水，唔緊要，聽日出糧~

戲玉黎la~番到屋企5點鬆d，同laulau吹左陣水、食左d野、睇左陣電視，最後因為冇乜野做，神經鬆弛左落黎，我咁就訓著左la......訓到剛剛12點起身，見冇人(訓晒覺)唯有繼續訓la，訓到5點左右諗起未打日記，咁就起左身打日記la。我既計劃咁就失敗左....如是者又要再實行多一次計劃，聽日再同大家報告結果la=.=

p.s.有似病病地添，可能頭先著唔夠衫(得一件背心)訓覺，等我飲番杯維多c先。