今日好似發生左好多事，感覺到自己有所覺悟........

第一個覺悟係...........都係講番比賽d野先，一早就約好晒一齊出去彩虹道，早左個幾鐘到，係地下球場熱身，1點幾我地就上左去，見到我地既對手好似比較弱，所以大家都打得好放，第一節我地打個和，8比8，加上laulau做埋d死人野 ，大家士氣都好高漲，第二三節都打得幾好，一度領先8分，對手可能發現個人技術同速度等方面都唔及我地，開始打全埸緊迫，而且好狼，球證又唔係好pro，搞到我地都有d心浮氣燥，第三節尾(定第四節頭呢!?唔係好記得)仲撞傷埋阿康，口同鼻都有血滲出黎，令大家都有d火，可能因為咁la，第四節打得有d亂，再加上laulau掉頭幫對面囉分 ，我地最終輸4分。完煬之後對手過黎握手既時候都個個講晒sorry，佢地都知自己打得過分，我地都冇咩點應佢地，點都好la，唔輸都輸左la，當買個經驗la，下次再被我遇到呢d對手我一定要落埸，睇下邊個狼d ，話晒我都曾經有個花名叫做"兇狠四眼仔"ga~(以前細個係翠寧打波，唔係好識打，好鬼狼，加上自己個樣又惡，被兩個大哥哥咁叫我)不過今日我都冇咩點發揮過，因為都唔係落左埸好耐，唔係話你地唔比我落場ar，我都知自己未夠斑，等我練好d波自己搶個pg位黎做~~

之後我地成斑去左黃大仙中心間"大快樂"食野，食食下又諗起美楠d野，攪到食得唔係幾開心，不過最後都係冇諗佢，當前都係朋友緊要，吹完水先算 ，上到車先好玩，有個得幾個月大既bb仔(定女呢!?唔識分 )，好得意ga!!!!!laulau仲話驚我整喊佢，我不知幾有靚仔緣ar~佢同我玩到笑晒咁wo~之後我掛住同laulau佢地吹水冇理到個bb，佢阿媽放低左佢係大比到，見我唔到，之後我就聽到佢喊la~~哈哈~我對d靚仔真係有一手~~臨落車laulau叫我練下"插花"(打波果d ar)，番到屋企就無聊地係露台度係咁插，一路插就一路諗野，諗諗下被我得到左第一個覺悟:既然我都決定左等佢會考完先解決，我而家點諗都冇用，咁不如唔好諗佢住!!!之後就鬆左一口氣，成個人都舒服晒 ，大家唔駛再擔心~~

再夜d就同屋企人出左去食飯，又被我二家姐鵝我唔番學果d野，唔知點解今次我唔覺得煩，仲自己沉思左好耐，而家既生活真係好頹廢，同個廢人真係冇咩分別，我得到第二個覺悟:我要搵工or進修。可能今日見過果個bb la，我諗番起我一直以黎真係好有小朋友緣，由細到大，個個表弟表妹都好鍾意我個wo，鍾意到聽我話多過聽阿爸阿媽話個wo~以前做童軍去幼稚園做野，實會同d小朋友玩得好開心，仲試過有個小朋友係咁拖住我唔肯走囉;前排番工同人做體測，我又可以帶住幾個靚妹(幼稚園果d)通場走做晒d測試，我完全係應付自如囉，我真係覺得自己可以向呢方面發展下(我認真ga~)，我會搵番d類似既工或者課程，而家既計畫係in左康民署果份先，如果有時間既我會再搵野做，我要自己係4月黎之前唔再廢落去!!!!!!!!!!