尋日話左我阿爺今日擺90大壽，book左荃灣一間酒樓擺左幾圍，不過我今日都好驚

12點幾被阿媽嘈醒落去飲茶(其實岩岩先訓左兩個幾鐘=.=)，落到去阿媽同阿爺都坐定定食左小小野，見阿爺精神都唔錯，我諗住今日會順順利利咁完結la，點知.........飲完茶番上樓果陣，我都覺得有d唔對路，雖然話老人家行得慢d，但係阿爺今日既速度比平時都仲要慢一倍有多，問佢有冇覺得邊度唔舒服佢又話冇，咁我地就番左上樓la。到左5點左，開始同阿爺換衫出去，點知阿爺既行動力又再一次下降，每步都只可以話係5分1步左右，我估佢係因為係sofa坐得耐所以有d"秘"，都諗住冇野，換完衫再同佢係sofa坐低，發覺佢打晒冷震，成身都係度震，佢已經著左比我仲要多倍幾既衫(你地都知我幾怕凍ga la)，嚇到我都唔敢同阿爺搭車出去，即刻call左我老豆番黎車佢，勉勉強強行左出門口，點知係"車立"口佢同我講話想嘔 ，嘔左d係正"車立"口，唯有即刻番入屋囉番個膠袋旁身，同埋叫工人幫手抹番塊地，再囉埋架輪椅出黎。幾經辛苦終於落到地下，上左車。係家車度我唔停咁望住阿爺，好驚佢粒聲唔出咁去左......好彩，無驚無險到左荃灣，上到酒樓阿爺都係冇咩精神，我都一路陪係則邊，驚有d咩發生，連bb黎左叫打牌我都居然冇即刻坐低，係之後多左人黎睇住阿爺我先打左3,4鋪。之後阿爺都冇咩胃口食野，成晚都食唔夠平時5分1既量，好就係好在冇再嘔囉。無驚無險食到散水，阿爺可能因為食番小小野，精神好番d，之後就坐車番黎la。

希望今晚，唔係，係以後，阿爺唔好有咩特別狀況出現就好la。

p.s.又寫左一大段添，今日寫d野都唔係好我個人問題事，冇興趣既可以唔睇，費事晒大家時間。