又去左睇戲la，今次睇獨家試愛，講真，我對愛情片真係冇咩興趣，不過難得成班fd都得閒出黎，咁就出左旺角la。去到旺角3點幾，ua百老匯兩邊走左幾次，最後決定睇6點半(最近ga la=.=)。等睇戲既時間唯有去行下街，基本上都係行d我唔會買野既地方，所以都冇買野(其實我都冇錢買......)。

夠鐘!!!入埸!!!

一開始就係狂嘴，攪到我都成身唔自在~之後就睇完la。係ar，睇完la，唔講劇情既原因就係費事有人未睇，另一個原因就係冇咩好講，一般愛情片，差就差在女主角未大肚既姐......大家都話個結局唔係幾好，我就反而覺得好正常，人總係有自己既秘密既，雖然兩公婆之間咁樣就真係唔係幾好，不過我相信世上有好多呢d人囉。一句到尾，呢套野主要想講既就係"愛情係有限期"同"只需做好而家呢一步"兩樣野。話唔講又講左咁多添，未睇既人請原諒我 。

睇完戲就一齊去cafa食野(其實想玩多過食 )叫左野食就係度呆，因為d野被人囉晒黎玩，我地連uno都冇得玩 ，食完野見到有人走，我地就搶左副大富翁黎玩，我自薦做銀行，因為我想睇多過玩，睇住佢地互相廝殺我都不知幾開心 。點知原來我都係揀錯左 ......睇埋落去就知。一共有十個人玩，我做銀行所以得番9隻棋，玩玩下開始出現貧富懸殊，laulau就最得意，錢就大把，最慘就係行唔中d地，行左成round都未有地，第一塊地居然係高價同人收購 ，同邊個買我就唔記得la，因為佢之後仲收購左好多塊，我都唔記得咁多=.=玩到中段阿齊開始冇錢，幾次都差d破產，好彩有laulau幫佢收地......係呢個時候，我發覺我呢個銀行既儲備開始冇晒，居然唔夠錢派，因為佢地每round玩番到起點我都要被$2000佢地，9個人行過我就要被萬8，真係搵李家城黎都唔掂 ，最後局然玩到銀行欠落5萬大元既欠款，而一直係度拖命既阿齊居然唔係第一個破產，反而係一路都唔知點解佢被極錢都仲有既ar欣輸左先~~~之後大家都玩到累，而且都已經成點鐘，大家玩多陣就一齊飛亡命小巴番tm，4個字居然番到，真係私家車都未必得......

番到屋企諗住開機打日記，點知部機就咁死左，連windows都開唔到，我又要過d冇電腦既生活la......好彩仲有阿媽呢部姐~~

打住咁多先la，我唔打星期日住la，聽日又要番工，而且我係阿媽房用緊佢部腦，唔可以夜，係咁先la~~