話說今朝我地要去醫院認番阿爺，一早就去到，攪掂ｄ文件上既野之後就見多阿爺一次，之後就出左去燒衣。（果度個職員勁煩囉，真係心情差ｄ都想打鑊佢ａｒ∼）燒衣果陣我燒親隻手指，而家都仲有ｄ痛，不過冇咩事，應該聽朝起身就會冇事∼

之後我地去左市中心食野，家姐同我講，話阿蘭（屋企工人）見到阿爺隻腳果度有個牌寫住２６號，佢話係阿爺被個no.佢買六合彩，我聽到都只係一笑置之。（補充一點，阿蘭買果ｄ係泰國六合彩，唔係係馬會買，非法ｇａ∼佢果ｄ可以淨買一個no.，估個特別號碼）有留意今日六合彩開咩ｏｒ聰明既讀者都應該知道發生左咩事ｌａ，今日個個特別號碼真係開２６號ｗｏ ，佢買左＄１０，１賠４０，即係中左＄４００！！！佢仲叫埋個朋友買，佢朋友買左＄１００，即係中左＄４０００！！！！！！真係好過番工＝．＝阿爺真係勁，咁快就有能力知道六合彩開咩∼∼∼

講開六合彩，我平時都係買開果幾個字，今期我冇買，居然中左４個字ｗｏ ，冇左幾百蚊ａｒ∼∼∼∼∼∼早知果日星期六陪馬仔佢地去馬會果陣買定幾期ｌａ∼∼我到而家連＄２０都未中過．．．．．．

p.s.呢兩日ｄ腸胃唔係幾好，一日痌幾次，脫水咁滯，好辛苦ａｒ．．．．．．