今日一起身就入阿媽房打日記，一口氣打左4大篇，終於都記低晒自己做過d咩，感覺良好~

打到兩點幾，阿媽個同事話上黎幫我整電腦，順手換埋個mon，我梗係say yes la~不過就有d怕，因為我同佢唔係咁熟，但係又見過好多次，半生熟咁會好唔慣，不過為左我部腦，死就死la~

4點左右佢終於上左黎，幫我買左個15吋lcd mon，個款都唔錯，最正就係唔駛我被錢，我阿媽被 ~~之後就開始整電腦，其實都好簡單，刪晒d野再裝過，講就易，不過中間都唔知有幾多問題發生，好似我發覺左果套無線mouse&keyborad，居然要開左windows先用得，即係話係o岩o岩開機仲係dos果陣用唔到，攪到要用番傳統keyborad先得，麻煩到死 ~不過最後都整番好晒，過程中我仲學左唔少野，真係好~~不過就整得耐左少少，4點整到8點，攪到我遲左出荃灣食飯。

之前阿爺90大壽果陣我地訂左3圍，點知人齊都係得兩圍多dd，咁酒樓又唔肯退錢，唯有留起一圍下次食，就係今日呢餐la。食果陣我係度諗，上次黎果陣阿爺仲好地地，咁快就已經唔係度，你話人既生命幾咁脆弱呢，不過我都冇出聲，費事大家掃興la。

食完之後因為架車唔夠位既關係，照舊又係我同bb兩個去搭車，我地去左新之城果間機鋪打左個轉先番屯門，我發現我對機鋪既興趣真係唔大，以前唔入得就好想入，而家就睇下都唔會，對上果次入機鋪應該都係年幾前既事，今次我行左幾個圈都只係用左7蚊=.=我同bb玩果個打拳機，一人打左4拳，都係8500左右，不過我就大動作d囉，我用埋腰力出拳，所以同bb差唔多，佢應該點都大力過我既~

番到黎第一時間就係用下部電腦，當然第一件事都係打日記，用自己部腦係唔同d，我打左咁多野都係用左3個字左右咋~~勁~