因為有番部電腦用，今朝打到5點幾先訓，又過番d無聊生活，最後都係12點幾被個表妹既mag嘈醒左，想訓多陣都唔得 。話時話，呢幾日都有同呢個表妹通mag，之前都係大時大節先會見面，呢幾日就通左幾十個mag，仲多過呢幾個月黎我send既mag，好彩同台唔駛錢姐~

被佢嘈醒左之後就一路同佢玩mag一路上網，一路都得我同阿蘭係屋企，而阿蘭係度都等於唔係度，成日都一個人對住部腦，唔知係咪冇打得耐呢，對住部腦都冇咩心機，連機都唔想打你話我今日幾冇心情呢~ 一路無聊到6點幾，阿蘭話佢地個個唔番屋企食，得我一個，呢幾年黎都係第一次得我一個食飯，以前一定會有阿爺係度，只有我都唔番得佢一個食，唔會得我自己一個，我而家先知點解阿爺以前咁想我番去陪佢食飯，而家冇可能lu。可能心情唔好個人會大食d la，我自己一個食左10幾隻雞亦、一碟白菜同兩大碗飯，好耐冇試過夜晚食咁飽~~

食完飯連阿蘭都走埋，自己一個坐係度睇電視真係幾悶，有野做緊都還好，一去廣告我就即刻感受到有幾lonely~~唉，有d掛住我班好朋友添，不過一出黎聚就要駛錢，而家銀行得番$3xx，下個月都未有著落，我而家真係唔敢亂洗錢，黎緊呢排有咩活動我都要度下先出席，希望仲有錢見大家la~

唔講咁多，今日都唔開心既，當冇過過~~~

p.s.呢幾日d天氣好反覆無常，大家小心d身體，桃桃同wai哥已經先後攪掂，連我個表妹都係，一間仲要提佢食藥