原本約左佢地打波，et一早打黎叫我果陣我勁累，連用腹肌起身果下都做唔到，雖然知佢地唔夠人，但係最後我都係決定休息，冇辦法，太累la，對唔住ar咁多位。

訓到12點半左右軒仔打黎，話等桃桃見完工一齊去食野，我都同左佢講我有d唔想去，因為實在唔想在用錢，不過都出la，食一餐姐，點知......我遲左少少出門口，所以諗住直接去市中心等佢地，行行下打被軒仔，第三次佢終於聽，點知第一句就話去唱k ，我即時O嘴囉......不過既然都出左黎，又見桃桃咁開心話唱k，諗住佢應該得左，當同佢慶祝la。到左neway，簡直有罪惡感ar，唯有快快手手投入去唱，等自己乜都唔記得。唱唱下問桃桃in成點，佢話原來仲要等通知，即時有種被自己呃左既感覺 ，攪到好似搵藉口被自己玩咁......唉，諗黎都冇用，繼續唱!!!!!!之後仲加多15蚊唱埋k buffet，到8點先走，最後被錢果陣又係我負責，好彩混埋佢地d錢一齊被，罪惡感大減，不過都真真正正咁冇左一舊，仲要爭stephen錢......唉~~~~

番到黎就睇電視，我居然唔記得左今日做我好想睇既"老馮日記"，miss左，我家姐仲要話好笑果度先死ar ma~ 之後睇電車男，呢集冇咁爆笑，反而touch左好多，友情(網友)、親情(妹妹)同愛情(唔駛講la ma)，有d感動 。之後就一路打墨香la，打到3點終於都停左手，諗住打埋日記就訓，點知......你睇，而家都4點半囉，訓左我驚起唔到身，都係繼續墨香吧la......

p.s.唔駛驚ar，你有成班fd"十卜"你，唔請你都唔好唔開心，起碼仲有我陪你雙失ar ma~^_^~