終於我地都打到palyoff，一早就約左係m記等，雖然我尋晚冇訓，但係我覺得冇咩問題，可能係興奮得滯或者係慣晒la。

去到體育館，大家熱左一輪身就開波，因為對手係我地之前第一場既對手，所以大家都有一雪前恥既決心。一開始軒仔就大發神威入左4分，令到大家士氣都好好，對手都唔算勁，尤其防守。下半埸我先落場，印象中就係我落場果陣拉開到8分，不過我都係冇囉分，有一球起左手穿針，可惜對面已經犯左阿康規，所以冇計。我仍然打得唔好，攻防意識都唔夠，實在有排練。第3節尾我出左黎，被人追番好多，照計冇左我攻防都應該好d，不過對面無lala好準，明明冇拋物線既波都可以入既，冇計。第四節打得好緊湊，一直係度拉鋸，最後30秒，我地輸緊兩分，最後10秒，et一個英雄式既3分球令我地反超前。最後10秒既防守機不可失，大家都太緊張，最後犯規令對手得兩球罰球，兩射一中，34比34平手，我地最後一個攻勢冇入。

大家都冇諗過既加時賽(OT)開始。個個都好緊張，為左每一球而拼命，為左呢埸波而興奮。最後係大家多次犯規送對手上罰球線既情形下，我地輸左。唔需要去介意，更加唔需要去內疚，落到場個個都緊張，有犯規在所難免。打完果一刻，我有d感觸，大家呢埸都打得好好，個個都有佢發揮既時候，我冇。好嬲自己點解唔打好d，如果我為球隊貢獻到兩分既，可能唔駛輸；如果我可以偷到一球既，可能對手就入少兩分；如果我可以傳好每一球既，可能laulau就可以射多兩分。點解你地做到既野我做唔到，點解我同你地一齊打波咁耐但係我既進步咁少......

不過我而家諗通晒la，過去左就發生左，點諗都唔可以改變，亦無可能番轉頭，所以要做好而家，為將來而努力，我以後會被多d心機練波，希望可以打好d，我覺得自己最唔好就係驚呢樣驚果樣，射又驚人封，過又驚人偷，傳都要驚傳失，走位又驚走錯。

害怕來自無知。我會搵多d籃球書同埋片黎睇，希望仲有進步既可能。

講番呢日先，比賽完就去左荃灣，做埋d厭惡性同勞動性既工作，攪到我氣波褲好污漕~(件衫冇事，我除左)唔好問我做過d咩la，我當做完gym算la。走果陣我仲要"咩"住個聖誕老人"咩"果d咁大既袋走，赤膊咁係荃灣街頭行，赤膊咁入酒樓，我都真係第一次。之後係間唔好食既酒樓食完飯就番黎沖涼，之後開左墨香不過冇玩到就訓左，太累la，所以要今日先打日記。