今日冇咩好寫，連街都冇落。

尋日係網上見到d人係度討論香港人玩online game，彈到香港人好似個個都係無賴咁，又tk，又粗口，又打橫黎講，我睇完都覺得有d人係咁，不過未至於咁嚴重，不過今日就係墨香睇到人嘈.....

我地果team人同隔離果team因為d組隊問題同爭怪打，我地兩邊各有一個人睇唔過眼，咁就嘈起上黎，嘈左足足兩個字，如果我唔係岩岩睇完果篇討論，照我以前既慣例都會幫埋口，不過今日我冇，直到我地呢邊另一個人睇唔過眼叫佢地唔好嘈先至冇事，嘈既過程雖然冇咩粗口，不過就一堆人身攻擊，睇到我都冇晒心機，原來香港人真係咁樣。

點解會咁既呢!?其實無非係一班青少年(平時我叫死靚仔果d )平時被人壓抑慣，係隻game入面就爆晒d火出黎，諗住冇人知自己係邊個就為所欲為，反正唔駛負責任。想當年我被屋企人鬧完，都曾經試過係隻game入面亂黎，果陣真係好唔識諗。而家睇番呢d青少年，我只能夠講一句︰收聲la。冇其他野好同佢講，唔好阻住我享受隻game。睇黎香港真係冇咩前途，佢既未來居然係呢班細路....................................................