今日決定早少少寫日記，反正都已經係屋企，都唔會有咩特別野發生~

應承左海龍今日要番二中幫手教步操，所以11點幾就起左身。佢約我12點係的士站等，佢個死仔居然12點先黎 ，攪到我曬左成半個鐘。番到二中都未齊人，咁我就打陣波先，大家有冇奇怪點解我有波呢~其實本身約左阿康佢地下晝去買波同打波，所以我都著晒波衫，當然亦都有帶波la~

打左一陣就操番d靚仔，得果小貓三四隻，不過都算係咁la。中途阿康經過約左我4點左右去買波。之後2點左右放個靚仔番屋企食飯，因為大家都操到冇咩心機，之後我地就開爐煮野食，攪到好似係二中野餐咁~食完繼續操，操到4點左右就放人，咁岩美楠就落左黎，坐左陣再打左陣波佢就話上去囉埋d野走，話好耐冇陪過我wo 。臨出二中門口果陣阿康打黎話佢地都出發la，咁我咪諗住過市中心join佢地囉。

去到市中心就同美楠係m記食野，因為我地搭車，應該快過阿康佢地行路。食完打比laulau，原來已經睇完，話冇特價唔買，阿康同馬仔就去左"大快樂"食野。同佢講講下居然見到桃桃、hei同stephen行緊街，被佢地見到我拍拖添~桃桃仲無聊到話要影相，唔好擺佢上網ar!!!!!不過就要send番被我~

之後同左美楠去睇衫，不過就同果日陪桃桃行既行程完全唔同，全部都係行運動鋪，佢話要買番d短"就"衫，仲話今年夏天要用白色同橙色為主，我就梗係舉腳贊成la~~不過一路行都係我叫佢買呢件被我，佢又叫我買果件被佢，不過可惜我地今日都冇錢，行左咁耐都冇買過野。之後仲去左people，佢話想轉台加出電話，因為佢之前唔見左個電話(桃桃你應該記得ga，我仲黎問你借電話~)，果一刻我居然有d想負起呢個責任，買個電話被佢，不過我冇講出黎，因為而家我真係仙都唔仙下，自己都未換到，仲點送被人......睇黎又多樣野令我搵工要快手d~~~之後送左佢番屋企就call番阿hei，佢話都已經送緊桃桃番屋企，所以我都冇join佢地。

頭先番黎睇東張西望果陣聯想到d野，本來諗住係日記同大家講下，不過我唔記得左係咩黎la，老人痴呆又發作......