相信冇咩人知道美楠係個基督徒，更加冇人知道我係無神論者。冇錯呢個就係我地之間既一個矛盾。
佢係一個虔誠既基督徒，每次食野之前都會祈禱，無論係食正餐定係食一塊薯片。一路以黎佢都想我陪佢番教會，但係因為我早就有更堅定既原因令我相信呢個世界根本冇所謂既神，我冇同佢番過，最多都係接送佢去同埋走。呢個一直都係小問題。
今日，係唔知傾開d咩既情況下，我地提到進化論。大家都知道，基督教同天主教一樣，根本唔相信有呢回事，佢地信既係創造論。就算唔係教徒，相信你地都有聽過創世紀，一個神用7日創造世界既故事。呢個就係我地今日既討論題目︰進化論與創造論。
我地一路由市中心百佳開始討論，直到我送佢上左小巴，之後再係電話討論到佢番到屋企，呢段時間入面我地講左好多呢方面既野，我唔打出黎la，一黎好長，二黎好悶，三黎睇左都未必明。講明先，我地唔係嗌交，只係討論，我地好理性既。呢個問題係科學家同教徒之間已經討論過無數次，我地既討論唔知會唔會有新意呢。就係咁la，呢個潛藏既問題希望永遠都唔會爆發。
睇到我個發表時間都應該估到我尋晚點過la，一間就要出去比賽，好似冇咩準備過咁，感覺上好似我中五果年，完全冇任何緊張既心情就考完個會考，而家既心情同果陣一模一樣。一間要嬴。
| 
