出面好大雨，仲係咁行雷，一間睇下雨睇下雷先，話我無聊都係咁話，好耐冇見過大風大雨。仲記得以前細個，同廷哥屈係屋企，因為8號風球，我同佢無聊到摺飛機掟落街，d飛機好似表演咁飛黎飛去，我仲記得我有一隻飛機足足飛左5分鐘先落地，大家都應該記得我係住6樓，5分鐘真係幾耐~~諗起果陣都開心，無無聊聊又一日，冇野煩~~唔似而家，個個都收埋一堆二堆煩惱，睇我地今日傾計就知。

尋晚et打黎話約左stephen打波，叫我一齊去，我又有d手痕，咁咪去囉。朝早10點半起左身，打被et問佢係咪真係去，收線之後照憤例訓多半粒鐘 ~~之後11點起番身就坐小巴過去，見到自己銀包冇錢仲坐車真係有d罪惡感......冇計la，鬼叫自己遲到~去到11點半，未開始打就冇力，因為我超肚餓......射左好耐都完全唔順手，因為個肚係咁叫，完全集中唔到......好辛苦咁打到12點幾我就真係頂唔順，叫左佢地去食野。

我發現而家香港d男仔真係好冇主見，食個lunch都左諗右諗，攪左好耐先話去珊瑚堡，去到門口都仲要諗，真係想死~~不過其實我有時都會係咁，都唔知點解，成日驚呢樣驚果樣，尤其拍拖果陣，好驚去左d佢唔鍾意既地方。算，唔講呢d，一間又被人串。

食食下桃桃打黎，佢居然起左身~ 不過係岩岩開眼果隻......因為我個胃等唔到佢咁耐，所以我地唯有食先，應承佢再陪佢食。珊瑚堡d野真係好飄忽，我頭兩次去都幾好食，呢排又好似差左d，唔知係咪換左人呢~食完同stephen去買止汗劑，好難聞 買完桃桃就黎到la，算快ga la，個幾鐘姐~

之後桃桃話食kfc，就去搵左個都幾舒服既位坐低慢慢食慢慢傾計，有我地幾個當然都係傾感情問題，係kfc係傾et多，大謄d la，既然你忍得咁辛苦，不如開口la，成功既自然好la，失敗左咪痛痛快快咁傷一次囉，個個都會ga la，我都試過，痛到我唔而家都唔敢再提起，但係痛過呢一次亦令我知咩先係女仔鍾意，雖然我依家都唔係咩愛情專家，但係膽大心細不嬲都係追女仔既必要條件，我就覺得你都夠心細，係唔夠膽大姐。不過其實感情都係兩個人既事，我講幾多都冇用，你去唔去馬自己決定，我怕你廿年後會後悔今日冇講到果幾個字。

傾傾下我地轉左落公園繼續，因為桃桃話凍，不過最後都係害左我地三個熱血男孩，真係出汗咁滯 傾左更加多野，親情到夢，咩都傾得一餐，所以我話呢，傾計都係3,4,5個人咁傾會投入d開心d，我地陳家十幾人一齊傾計就會有d攪笑，唔傾上次馬仔果個話題可能冇咩好傾..........

傾完又係同桃桃係買餸，新墟置樂安定，買牛買魚買菜買米，好似我地自己買餸番屋企煮咁，所以見到陳進文sir果時佢都以為我地自己搬左出黎住，呢個卵地真係幾想，尤其係當年睇完六樓後座之後，我真係好想同自己一班fd一齊係出面住，當然我地唔會好似"六"咁開放，大家試想像下果個情景~~~不過想像下好la，呢個只係一個不負責任既想法，而家大家冇收入唔在講，就算有都好應該先對你而家既家庭負番d責任先，屋企話晒都養左大家咁多年。痴線~~我做咩好似教細路咁話大家，傻左~~~

番到黎食飯果陣，家姐叫我去教你果d珠心算同公民數，教d小朋友，同我既興趣都有d似，不過講真，我一向都覺得呢d野係呃錢，學完令個小朋友計d加減乘除快有咩用??幫阿媽去街市計數ar!?!?到頭來要讀a-maths又睇下佢地識唔識~~所以我都冇應承我家姐，淨係叫佢囉d野番黎我睇下，希望佢快d冇左件事。

你話作文幾易呢~果日埸波我都打左3千幾字，今日打左咁多野都應該有1千字，會考叫我作600未真係幾難，600真係唔夠用~~所以之後a-level果d係限你作幾多字，用最少既字寫最多既野先係高手~~~