尋日仲話緊訓唔訓，其實每當我個腦有呢個念頭既時候，果晚都係唔訓多=.=尋晚都唔例行。冇咩心機打機，唯有開icq，見到laulau online吹左幾句，之後仲整埋份履歷表，因為唔識整就打埋被laulau，好似吹到4點幾先收線......之後都係打番機，6點幾就開始準備出門口，因為要去接美楠去考會考，英文。我地去左x奶佬食早餐，之後就過置樂，佢要去青海隔離間學校考，送左佢入去我就係青海射波，一黎想打下波，二黎我話過一路係佢則邊陪佢。

打左成3個幾鐘，今日手風都幾順，不過得我一個打，都好難唔順=.=打到11點唔夠就冇打，一黎我好累，二黎唔想成身大汗咁接佢，去左m記訓覺=.=等到12點我就去左門口等，佢話12點考完，不過我唔記得左收卷果d野攪好耐，最後好似都係等左15min左右就出黎，不過我已經曬乾左，好彩仲有水飲~~

之後去左美食廣場食野，同埋佢兩個fd，我彩我都識既，我發覺細我一年都可以好成熟，睇野好通透，女仔黎ga，桃桃，學下人la~ 食完行左陣就送美楠上車，上左車佢先打被我話隻熊仔唔見左，係一隻樹熊既夾仔，我行番頭先條路搵左好耐都搵唔到 。打番比佢話佢知，話搵日買番被佢，點知........

之後我行番屋企，行到友愛阿hei打黎，居然叫我番市中心陪佢食野.......算la，見係你咋~ 好唔願意咁行番去市中心，去到kfc，桃桃同waiwai都係度，之後又係吹水時間，問桃桃先知原來果隻樹熊係係澳洲買番黎......不過我都會盡力搵下，話晒香港都係翻板天堂，應該都有d似模似樣既買既~係kfc一路都傾緊一間有咩做，我又想打winning，阿hei又話唔被人上佢度，laulau又唔肯走堂~(魔鬼~~ )最後佢地話租碟上waiwai度睇，點知......

去到租碟鋪，我唔知點解好想睇d低b卡通，諗住笑餐飽，不過佢地又唔想咁低b，最後租左隻"小企鵝走天涯"，之後係我冇錢既情況下，阿hei竟然被錢我搭車，原因係佢唔想行......但係最後都係飛的去，阿hei被錢仲好豪咁話唔駛找~~型~

好耐冇上過waiwai度，我都冇印象佢屋企原來係咁大既~~個廳開3,4圍麻雀都夠。開始睇碟，開始果陣我地都有係度笑桃桃(笑咩就大家心照la)，睇多陣我開始頂唔順，最後仲訓著埋......因為果套可以話係一套紀錄片......只係多左eason同阿sa配音，悶到抽筋......再之後係waiwai房打winning，阿hei居然有帶手制出街既習慣，令到我地可以打雙打，不過waiwai d設備就差左d，基本上d球員完全唔受控制，攪到埸埸都被電腦抄......又之後又係吹水時間，吹左好多無聊野，連以前打機d野都傾埋!!!

最後成7點幾先走，離開之後我同桃桃都話waiwai媽咪好似散發出好大殺氣=.=希望waiwai冇被人審la~~之後(好多之後=.=)去左兆禧搭車，今日居然冇送到桃桃番屋企，因為桃桃話唔駛，我見又唔係好夜就叫佢番到去打比我。

番到黎等埋桃桃mag就沖涼，沖完食飯，食完訓覺，9點唔夠就訓左，好耐冇試過.......通完頂太累，所以第二朝既打波活動我都冇出席，不過其實唔係因為懶訓，雖然最後都係因為懶訓......

p.s.希望美楠今日考得好，雖然佢出黎果陣話應該合格，但係我依然好擔心，唔係信佢唔過，只係一種出於關心既擔心，睇黎我都有排擔心，8月先放謗=.=