話說尋日9點唔夠就進入沉睡狀態，今日我依然訓到兩點，不過我今日係唔應該訓到咁遲先起身，因為我約左人，唔係打波，係約左個表妹教佢做數，所以我今日先話唔黎打，費事攪一輪先出去，不過......其實我都冇約實佢幾點，不過都應該早d起身出去，而家好似好衰咁......其實我9點左右都有起過身，不過諗住佢冇咁早起身我就訓番，點知又沉睡到兩點......醒左即刻打去，佢都O晒嘴，我唯有盡快快門口。

落街買左個包就去等車，今日唔知點解咁多人去沙田，第一架居然起埋滿座牌，搭左咁多年巴士都冇咩見過~~終於等到第二架，不過我都只係可以企係司機隔離......去到沙田，其實仲未到目的地，仲要搵車搭，我發覺沙田個商場好鬼大，雖然同屯門果個有d似，但係大好多同復雜好多，我差d唔識離開個商場=.=最後終於搵到架車，架車既目的地係..................西貢。冇錯，我約左佢係西貢補，仲要係條好荒蕪既路度落左車，我既目的地係一間別墅......

其實係佢阿爸即係我阿叔帶我上去，不過都係得我自己上去，上到去得我同佢係度。原來佢地唔係住呢度(我早就知)，不過因為我本來話唔想有人係度所以佢先提議去西貢，不過我既原意係唔想人知，最後其實佢全家都知......不過都冇所謂la。你地唔好以為我做咩唔想有人係度ar，我只係覺得有d怪咋，10幾年都冇兩句，突然間話教數好似好唔自然咁。

講番先，上到去真係得我地孤男寡女係度，人地話女仔實有損失，我就話佢都唔知得到幾多~雖然我唔敢講自己冇諗過衰野，但係我咩都冇做過，pure maths!!!絕係教數!!!之後就一路都係教佢數，雖然我做多過佢做，不過我諗佢都有d得著卦~~我其實都好耐冇做過數，不過囉起技筆我又識做wo~做番中4,5d數都係好easy，就算有d新課程，我睇一睇之後都教到佢，睇黎我而家去考都應該有d~

我收番我之前話教細路加減乘除快冇用既說話，原來呢樣野好重要，我個表妹d數真係唔得，佢話好耐冇做所以唔記得晒，但係都冇理由64除4都要諗卦!?!?!?加上我冇教人咁耐我都覺得自己唔識教，有d野我講左出黎，我覺得自己都未必聽得明......所以話其實都冇咩用，唯一既就係迫佢溫左幾個鐘書囉~最後我地7點幾走，臨走佢仲囉左二百幾蚊出黎話係佢媽咪被我，話係補習錢，我梗係死都唔要la，雖然呢d錢對我呢個今日要計左好耐先敢上車既人好大吸引力，但係我唔可以收囉，教自己表妹數都收錢我仲係人黎既~~

最後都係佢阿爸阿媽車我番荃灣，好彩，咁我張八達通應該仲可以生存到星期日......本來係諗住佢地順路車我番沙田既姐，不過佢地係都要車我去，咁我又已經係架車入面，冇理由跳車既......

我去荃灣係因為今晚約左屋企人去荃灣食，又係果間唔好食既酒樓，不過今次好d，同一碟餸收$18同$38都唔同d=.=不過今日貴過果次，今日仲要少d人食，下次都係叫佢地唔好去呢間~~番緊黎果陣家姐話去佢果邊執番d野，不過最後我都係坐係度睇番以前d漫畫，佢地執~~走果陣都成點lu~番黎就打日記到而家la~打左兩大篇打左個幾鐘，好慢......