尋日出街已經好大風，今日掛埋1號風球添(9點幾既事)，黎緊呢幾日應該都會橫風橫雨，大家小心la~~以前學生時期聽到打風就開心，因為又可以唔駛番學，但係而家諗深一層，次次打風或多或少都會有d人命傷亡、山泥傾瀉，如果要用呢d野換取我地d學生唔番學一兩日，實在唔係咁值得。
今日又番二中，玩多過操，睇黎我都係太縱呢班靚仔。星期五比賽，今年仲要我落場，d阿sir都唔係咁like，不過冇計。操完等埋美楠先走，算係咁la，5點幾就操完，佢7點半先走。以前發生呢d情況我多數都會唔開心，不過我今日冇，我覺得我應該抽多d時間陪佢，唔知我成熟左定係我地之間既感情又昇華左呢~
呢兩日冇咩心機打日記，可能因為冇咩特別事發生la，生活就係咁，寧願平淡如水，想刺激既唔該番中日大戰時期，保證刺激，不過唔保證你有冇命生存多幾日。
| 
