操左兩個幾星期(其實可以話成年......)，都係為左呢個步操比賽，有時真係覺得咁樣唔係咁好，好想同班細既玩多d其他野，如果可以既話，我希望半年內就教晒d動作，之後就玩下其他野，耐唔耐先操下，到比賽就到先再精練下到可以應付到。不過我希望還我希望，始終呢d唔係一兩個人既事，都係夾下先la。

雖然尋晚5點幾先訓，但係11點幾我都起左身，hea左陣就去接美楠，佢要番二中拎制服。之後就上左我度食野，hea到3點幾就再番二中，返到去都冇咩時間準備就開始左比賽。企到就死先到我地(我地係第5隊)，比係尋日，呢班靚仔今日簡直係超水準，除左臨完之前放鬆左一下之外，全場都表現得好好，我真係好開心。其實今日六隊都操得好好，被我就真係分唔到高低，不過人地係專業既，當然會有結果la。結果我地得到左第三，冠軍同亞軍就分別係交安同少領(即係美楠幫果隊)，呢個結果我都覺得幾合理。

今年既表現好好，大家當然要慶祝，去左大掛擋食，順便傾下之後d野，成班傾就好正經，玩就玩到痴晒線，搞到我都痴埋~~飲左唔少酒，番到屋企都算係咁，係sofa訓左，又一day。

有段小插曲要講一講，操完之後同美楠走，佢話要去一去教會，我咪陪佢去囉，諗住陪佢入去坐陣la，點知佢地原來要睇聖經，佢miss又叫埋我，我之前都講過我係無神論者黎ga la，叫我埋去真係幾辛苦，不過又唔好意思推，唯有坐埋去聽下la，點知仲要讀經，咪唯有讀囉，佢miss仲要贊我讀得好聽，都唔知係咪，似想留住我多d......之後都係好唔慣咁hea到8點，好似唔知點咁，我覺得我被人呃左入去囉......佢實知要讀經ga，佢實知我唔好意思推ga，唉，算la，冇計，冇得解決......