一早被人嘈醒去飲荼(其實果陣已經1點...雖然我覺得好早......)，出面仲要落雨，好唔情願咁出左去。個天都算係咁la，打完個風停左3日雨，等我做晒d緊要野，而家d外圍雨帶先黎料，算係待我不薄。三聖間野都算係附近呢一帶入面，叫做食得下既一間，d野算係咁la。我發覺同屋企人坐埋一齊食野真係幾舒服，唔駛怕有咩唔講得，就算係話緊我我都可以當冇野，可能呢d就係屋企人la。

之後佢地去市中心，我就因為有d生理需要要解決所以番屋企先，其實就算我冇野要解決都未必會跟佢地去，反正我都冇錢買野，佢地又唔會買野被我。解決完去左join廷哥，其實都係落樓下會所，打左兩種桌球︰香港既同大陸既，唔明ar!?自己諗下la。番到上黎我度，冇咩好做，我呢度又冇機打，唯有兩個係度白痴，玩埋d低b野，係咩就唔講la，費事~~不過我地兩個由細玩到大，真係冇咩唔比得對方知，係佢面前我真係幾白痴都唔怕，舒服~~~

夜晚果餐完全唔掂，希望阿蘭走左之後唔好日日都係咁，我會死ga~~~~