日頭唔講la，冇咩野做過，夜晚多野寫好多。

約左美楠同佢個miss食飯，由於對上兩次我地3個食飯分別係佢地兩個比錢，所以今次到我......唯有問我既好媽媽借住$300先，雖然佢唔知我係拎去請人食飯，不過佢都有被我，其實呢個月都已經唔係第一次問媽媽囉錢，真係唔可以再係咁，再係咁就真係對唔住媽媽。

由於係我被錢，所以佢地叫我決定去邊度食。我上網睇過下之後，決定去間食雞出名開鋪頭，d野都算係咁，不過個地方就唔係好得，希望佢地唔介意。食之前都冇落過雨，點知我地就走就開始落大雨，我同美楠兩個懶人都冇帶遮，好彩我地都有帶風褸，淋雨都唔怕。食完我地去左行街，行到9點左右去左食糖水，又係許留山，今次我搶唔到張單黎埋，照計應該係我被既，不過人地唔肯，都唔知係好事定壞事。

食完我同美楠就番tm，miss就番屋企。我地去左百佳拍拖，佢又係咁掃零食，原本都唔駛我被，點知佢家姐又番到黎，仲上埋黎添，咁我唯有被la，雖然佢兩個都話唔應該姐，唔通我真係唔被咩......最後同埋佢兩姊妹番屋企我就走，第一次同佢d屋企人相處咁耐，雖然我都係被人當我係小朋友，不過希望呢個係好既開始la。

係架車度點算一下，今日洗左我25x元，即係差唔多用晒咁滯......唉......

番到屋企我冇訓到，因為我期待緊d野。雖然聽日要番工，但係我真係要等埋先可以訓，美楠打黎催我訓我都講左個大話，同佢講我就訓，但係我唔等埋呢樣野唔得。有冇人估到呢?!?!?!下次見到我就開估la，唔講住~~