原本標題想寫family day 2，不過感覺上好似冇耐之前先打過一樣既標題，原來咁快就一個星期，睇黎真係要搵番d野做，唔好再虛渡光陰。(呢句說話我都好似講左好多次......)

今日又係飲茶，之後番屋企，等到7點又食飯，食完飯上左廷哥度，冇咩特別，不如講下第d野。

過三聖飲茶果陣，因為太懶所以冇拎遮，行行下居然有個男人話遮埋我，佢原本係去兆鄰，點知遮到我去三聖輕鐵站，都好耐唔覺香港人係咁好人。我地傾左兩句，原來佢係教徒，仲問我有冇宗教信仰，唔通我真係同耶穌有緣???

係我等食飯果段時間內，睇左好多關於巴士阿叔既野，真係估唔到一段短片可以引起咁大回響，睇黎我地都要關心多d身邊發生既野。

夜晚上左廷哥度既原因係慶祝生日，我尋日買果個蛋糕仲未食，今日先切，早知尋日唔駛咁趕la~~~食左好多野，好彩我唔識肥既姐~~

p.s.幫某某人換左11隻大口仔，要既自己問我拎，我唔會記得被你ga!!!記住la~