又落雨，呢排日日都落雨，都唔知幾時先可以打番日波，好耐冇打過波ｌａ，我真係需要做ｄ運動宣洩下．．．．．．

因為冇波打所以又訓到好遲先起身，打打下機美楠打黎就今晚出去食飯，因為佢要幫人補習，搵我陪佢食飯，岩晒，我都唔想留係屋企。其實都唔係第一次，之前都有陪佢食飯之後送佢番工。今日呢個美楠好得意囉，唔知係咪心理作用，我過到去第一眼居然覺得佢細粒左，之後細飯果陣又好細路女ｆｅｅｌ，總之就突然間好似細個左好多咁ｌａ，佢話係被二中ｄ小朋友影響左。講真我有ｄ唔慣，不過佢以後都係咁都唔錯，我都幾鍾意佢咁。

之後行左去新屯一轉再番龍門居，同佢講左我呢兩日屋企發生既野，佢叫我唔好咁小器，我都唔知點講，算吧ｌａ，唔再講呢個話題。佢幫一補８點，送左佢去之後我唔想番屋企，係公園坐左兩個半鐘等佢走，最後只係送左佢上車就番屋企，好似好傻咁，不過其實係我自己唔想番屋企姐。

番到屋企兩個家姐都係度，起碼ｄ氣氛冇咁差，我都係廳坐左陣，冇即刻番入房。聽到我老豆今日放左工跑步，家姐話佢跑左３個鐘，佢係荃灣跑番黎．．．．．．睇黎佢都唔想見到我，同我今日唔番屋企食既原因一樣．．．．．．

聽日幫映榮慶祝生日，希望玩得開開心心，等我可以忘記呢幾日ｄ野。