好耐冇寫日記la，呢排打機打到上腦，搵工又硬係搵唔到，忽略左呢個板板，更加好耐冇睇過大家d日記，原諒我吧我地好友們~~

今個星期既大事之一當然係五星戰隊又回歸勇者既行列la~~玩番真係幾開心，不過又令我既負債再加多一個數字......多得玩番，我先有時間做下其他野.............(我而家都打緊獵........)

另外就係尋日去左行山，同美楠兩個去，因為佢遲d要攪個camp同佢班fd去，我同佢去探下路先。一早起身起程去一個好遠既地方，西貢。一個外國人喜歡既好地方，講真，香港都幾難搵到個咁舒服既地方，既有現代科技帶來既方便，又可以三不五時去接觸一下大自然，住係度都幾爽，可惜，我就冇可能la，始終老家都係屯門，一東一西，太遠la~~

講番行山，呢日既天氣好好，抬頭一望，藍天冇白雲，太陽就一大個，好彩原本預計要一個鐘既路程，係我地兩個既步速下只係行左半個鐘就到，雖然成條路到係石屎路唔駛行山路，不過就大上大落，最金既斜路應該有30度左右，都咪話輕鬆，唔做既運動都幾係野。

到左我地既目的地，一個沙灘，一個唔算大但係好靚既沙灘，水清沙幼就係講呢度咋ma~~加上假期既關係，周圍都係水著，襯托之下都咪話唔爽~~好彩我都有美女在伴，如果唔係實有排我羨慕~~之後我地決定左"扎"營既地方，搵埋水源同沖涼既地方，就完成左我地既任務la~~之後坐低嘆番技可樂，都咪話唔爽~~之後原路番出去，今次用左40分鐘，因為之前入黎係落斜多，而家變番晒上斜，自然用多左時間。

不過今日我好介意一樣野，我做左窮鬼，拎住一百蚊就出左街，你地都知坐車去西貢要用幾多錢ga la，所以今日佢被錢既時候多過我，雖然佢唔介意，但係我介意，果種感覺好唔掂，大男人d講句，洗女人錢我做唔到，但係呢一日我迫住咁做......雖然我用緊果一百蚊都係女人錢(好媽媽被的.....)，但係..............唉，努力la要~~

一間試下擺d相上黎先，我未試過唔係好識整~